البعير يضرب ولا يلقح

[سلطان الرفاعي]

السلام عليكم ورحمة الله وبركاته
يأخوان أنا شريت فحل أوضح زين بالحيل وسنه شاق
المهم خذيته من سوداني والسوداني يقول شراه من قحطاني
وكلمت القحطاني عن البعير هو يلقح والا لا قال أنا شاريه من سوق الجنادرية في الحراج ولا ضربت به مره ولا أدري عنه
المهم شريت البعير
والبعير طيب يطرح ويستشمل كانه جذع ماشاء الله ضربت به حول عشر من البل فيها البكار والكبار
ولكن ما لقح عليه شي وقد له شهر من يوم شريته
تكفون ابي الشور لاهنتم يا اصحاب الخبرة

[عبدالرحمن البريدي]

مرحبااا اخوي سلطاان عطه بودرة اللقااح وانشاء الله يلقح

[سلطان الرفاعي]

وش اسم البودرة الله يوفقك

[سلطان بن علي الروقي]

مساء الخير اخوي سلطان انا عندي بعير نفس مشكلة بعيرك وهذا جوالي 0542187690 ممكن اقدر افيدك بحكم اني جربت علاجات كثير والمبارك الله

[محمد أبو الجدايل]

والله الحلبة مفيدة جداً للبعير الا مايلقح كل يوم لمدة اسبوع في الماء ..

[سلطان الرفاعي]

الله يعطيكم العافية

[صالح العوفي]

اذهب الى الطبيب البيطري وقل له اعطني فيتامين (eه) جدا طيب للاخصاب وتكوين الحيونات المنويه
نافع جدا لكل شيء حتى في حال الضعف ولاجهاض للابل

[مناحي ال ملحم]

السلام عليكم واحد من الربع عندة نفس مشكلتك فية واحد في سعد معروف يعالج البعارين ابو وليد هاذا رقمه 0504475830

[مناحي ال ملحم]

السلام عليكم واحد من الربع عندة نفس مشكلتك والقح بعيرة عالجة عند ابو وليد في سعد معروف يعالج البعارين ابو وليد هاذا رقمه 0504475830

[سلطان الرفاعي]

مايرد الرجال ع جواله

[صالح العوفي]

اخوي اذهب للبيطري وطلب منه فيتامين(ه) جيد للاخصاب e

[منصور محمد سالم علي]

البعير يبغالة وسم عن الفضاخ والله العالم

[حمد الحريّص]

و عليكم السلام ورحمة الله وبركاته

عدة اسئلة لو سمحتلي

الاوله حللت عن المالطية

ثاني : العطارة اللي في قلت البعير هل الفصين كلهن يعرقن اولا ؟

وهذا رقم جوالي لاني قليل ادخل المنتدى الفترة هذه

0509999879

[عزيزالحميدي]

ان كان الجمل ولد بكر

يكون رخو ضعيف العشار أحيانا


....
في مثل هذه الحالة
عطه سلينيوم وفيتامينات
واصبر على البعير لين ما ياخذ وقت مع البل
وخله طلق لا ترده عن البل

لاحظ خيف البعير أثناء الضراب

إن كان رخو في الضراب
أو يشمل بعض البل ويثور
أو يفحش على الناقة ويحماها بدون ما يضربها أحيانا

ترى عنده التهابات

رده عن البل اسبوعين والله يعينك على ابر الالتهابات


وغالبا تأتي الالتهابات من الضراب بعد التقطيع مباشرة
وبعض الفحول يتضرر وبعضه مايضره


أو يضرب ناقة ما بعد تحلل حبوب التنضيف
أو لديها إلتهاب



...