تسجيل الدخول

مشاهدة النسخة كاملة : هام يالربع لاهل العرف...؟

وحيد البدراني
25 / 12 / 2013, 05 : 01 PM
السلام عليكم ورحمة الله وبركاته

مساكم الله بالخير جميع

يالربع عندي كذا حوار من تلده الناقه اسبوع او اسبوعين يموت
مدري وش علته .. مع العلم انه يرضع زين وكل شي فيه زين مدري علامها
نفق الله يعوض كذا حوار الله يعوضنا ويعوض كل مسلم

لكن نبي الطريقه السليمه لتحصين الحيران او ابر او فيتامين او الطريقه الصحيحه


وانتم هل العرف ونبي نستفيد منكم وتستفيدون منا
وعلمكم دايم واااافي الله يطول بااعماااااركم
عبدالله جمال العتيبي
25 / 12 / 2013, 18 : 03 PM
روح اقرب صيدلية اطلب تحصين عن الدموي وباذن الله يعطيك الافضل
محمد أبو الجدايل
25 / 12 / 2013, 44 : 04 PM
1_ كثرة الحليب تقتل الحوار على طول ..

2_ القراد او الخاملة هذه ايضا تقتل الحوار تمتص دمه الين يموت ..

هذه السبابين الرئيسيين لي موت الحيران ادا قضيت على هل سببين ما بموت عندك وله حوار بأذن الله ...
وحيد البدراني
25 / 12 / 2013, 23 : 07 PM
يعطيكم العافيه يالربع
وحيد البدراني
25 / 12 / 2013, 25 : 07 PM
لكن وش الطريقه هل اغسله بجاره وصابون عن القراد والخامله

ياليت توضح اكثر لاهنت اخ معن
وحيد البدراني
25 / 12 / 2013, 27 : 07 PM
اخ عبدالله هل ابره المعوي مجربه خصوصا ان الحوار توه بعمر خمس ايام اخاف مايتحملها
محمد أبو الجدايل
25 / 12 / 2013, 35 : 10 PM
الابل مالها تطعيمات غير الجدري فقط وهذا تحصله في وزارة الزراعة فقط لا غير . . والدموي والمعوي للمعزى والضأن ..

وكانت اول الحيران عندي تموت اول بي اول وكنت احسبها مثل الغنم لها تطعيمات وكنت اروح لِكذا دكتور بيطري وأسال
ويقولون لي لا يوجد تطعيمات لها ابدا .. الين جاني رجال شرواك .. وقالي الحليب والقراد والخاملة .. وبالفعل الحين
الحيران احسن مايكونوا عندي والحمدلله على كل حال ..

طريقة الاعتناء بالحوار من اول يوم يولد .. لغايت ما يكمل شهر او شهر ونص متابعته كل يومين او 3 ايام تفتيش الحوار
من القراض والخاملة وان وجِدة يروش كامل بالجرة المخففة جداً .. أو بالبخاخ الريد يبخ في المنطقة الا يكون فيها القراد بكثرة في
جسم الحوار .. وبعد ساعة او ساعتين تروشه كامل بي موية عايدية ( دافيه لان هل ايام برد .. ).. لان البخاخ يدوخ الحوار ..
عبدالله جمال العتيبي
26 / 12 / 2013, 47 : 06 AM
اخ عبدالله هل ابره المعوي مجربه خصوصا ان الحوار توه بعمر خمس ايام اخاف مايتحملها


عبارة عن نقط في الفم مثلها مثل الفيتامين وليس عن طريق الوخز واستفسر من الدكتور اكثر وهو يفيدك باذن الله
حمد المنعى
27 / 12 / 2013, 18 : 08 PM
اعطه ابره اي سللينيوم 4 مل بعد الولاد بخمسه ايام هاذى تمنع توقف القلب والموت الفجاه بدون اى اعراض مرضيه
وحيد البدراني
27 / 12 / 2013, 20 : 10 PM
مشكووووووووورين وبارك الله فيكم جميع
احمد الحربي
15 / 01 / 2014, 41 : 01 AM
دف الحوار عن البرد ولايرضع واجد بالذات رضعة الظهر حاول تفطه عنها الين العصر
ثاني شي انتبه من الخمله