استشـاره ( لاهل الخبره فالطاقات الشمسيه ) للكرفانات .

[مشعل الشويش]

السلام عليكم ,
عندي فالغرفه عطل فالطاقه الشمسيه ماتخزن طاقه كافيـه ,
قالوا المشكله من البطاريات شريت بطاريتين ب1200
ولانفعـت ,
علماً أن الصفائح عدد 2 , والمولد شغال ,
ولكن المشكله لاشغلناها ماتعدا ساعه إلى ساعه ونصف وتطفي ,

..
شوركم وتوجيهكم ؟

[لافي الشيباني]

الشرائح وش صناعتها ان كانت يابانية او امريكية تجميع صيني وهو الموجود بسوق بكثرة تشتريها جديدة ما زين من كهربتها قوية واذا اخذتها فترة من الاستخدام تردى كهربيتها ولا تشحن مضبوط ،،،،، انا ركبتها بـ 6000 ريال والان رجعت على المواطير لكن حاول تنظفها بالماء والفيري يمكن مأثر الغبار عليها ولا تستقبل اشعة كافية لشحن وارفعها عن سقف الغرفة بميول 45 درجة ناحية الجنوب وان شاء الله تضبط

[مشعل الشويش]

بيض الله وجهك يابن مشيب على التوضيح ,
بالنسبه لصناعة الشرايح ما ادري بالضبط ,
نظفتها من الغبار والتوجيه مضبوط ولكن مامنها فايده ,


اشكرك

[مسعود العماري]

أخوي مشعل

عطني تفاصيل المحول والمنظم وكم طاقة الشرائح عندك ( 150 واط مثلاً)
وش نوع الشرائح ؟ ( أحادي أو ثنائي التبلور )
وش نوع المنظم ؟ كم ساعة تشغل الطاقة ؟كم أمبير بطارياتك ؟

وأبشر باللي أقدر عليه من الخبرة

[مشعل الشويش]

مرحبا بك يابومحمد .بالنسبه للمحول ( المولّد ) نوع تايون وشغال من افضل مايكون ,

اما الشرايح عدد 2 ولا اعلم كم واط
اما نوعها فلا اعلم ايضاً يابومحمد
والبطاريات ثنتين تعطي 400 أمبير..
بالنسبه لاشتغال الطاقه الان ماتعطي ألا ساعه ونص تقريباً أو ساعه

علماً أن طول الغرفه 25 متر ,
وشاشات التلفزيون 2 إظافه للإناره ونختصرها احياناً مانشغل ألا عدد بسيط ,

[محمد ال ضروان]

تأكد من المنظم (الكنترول) يمكن خربان ولاينظم شحن البطاريات واذا كانت بطارياتك ٤٠٠ امبير يعني محتاج ٥٠٠ واط فالالواح الشمسيه
انا مركب لوحتين شمسيه كل وحده ٥٠ *٢ = ١٠٠ وبطاريه ثمانين امبير واذا شحنت فل تشغل لي الليل كله والنهار الثاني
ولازم تشحن البطاريه فل عند الكهربائي قبل ماتستخدمها عشان تعطيك نتيجه افضل وتتاكد من عمل الالواح بالشحن

[مشعل الشويش]

يالربع اللي يملك الخبره يفيدنا

مازلت اعاني من مشكلة الطاقه الشمسيه فالكرفانه

[مسعود العماري]

هلا اخوي مشعل

تاكد من التالي :
1- أن البطارتين سليمة وليست محروقة ويمكن ذلك عن طريق كهربائي السيارات
2- أن ألواح الطاقة نظيفة من الغبار وموجه لأعلى ولايوجد بينها وبين ضوء الشمس حاجز

وبعد تأكدك من النقطتين السابقة احتمال اللوح او المنظم معطوب

واي شي تبيه جاهز عبر المنتدى أو الجوال

[هادي الرزقي]

المنظم والله اعلم حاول تغيره .

والله يسهل امرنا وامرك