فزعتكم يالنشاما

[نادر حمود]

السلام عليكم

يا جماعة الخير عندي ناقه فجاه معاد تشوف مدري وش العله هو طير ولا وش السالفه ابي فزعتكم وصارت معها قبل يومين الحين شابكها معاد افكهها شوفو لي حل الله يجزاكم خيرك

0551811183

[نادر حمود]

فانتظار النشاما

[بدر المغيري]

اخوي نادر اناقه عينها بيضا

[سلطان المرزوقي البقمي]

اخي نادر . العمى في العينن او عين واحده؟؟

وهل يوجد دموع كثيفه سابقاً والآن ؟؟

اشرح الحاله من بداية المشكله .

[نادر حمود]

اخوي نادر اناقه عينها بيضا

بدر الله يعافيك لا ماهي بيضاء

[نادر حمود]

اخي نادر . العمى في العينن او عين واحده؟؟

وهل يوجد دموع كثيفه سابقاً والآن ؟؟

اشرح الحاله من بداية المشكله .

سلطان الله يعافيك لا العينين كلها معاد تشوفها ودموع ما لاحظت عليها دموع عطيتها ابر فيتامين وغسلت عينها ببنسلين ولا صار شي معها

[سلطان المرزوقي البقمي]

شكلك مانتبهت لها إلا بعد وضحت المشكله او انك مشغول عنها وقت طويل وتو شفت الناقه..


اعتقد ان المشكله ضفاره قديمه معها وانت تو تنتبه لها ...



عموماً شف لك رجل خبير في الظفاره يكسرها. تجي في الخشم عباره عن غضاريف.

ان شاءالله تكون ظفاره وهي بسيطه بأذن الله اهم شي شوف خبير يفتش الناقه .


واخبرنا بالمستجدات ...


بالتوفيق..

[نادر حمود]

سلطان يا كحيلان على كل حال بيض الله وجهك مالقيت احد يعرف يكسرها كيف اكسرها انا قلت يمكن طير يعني معاد اكويها

[سلطان المرزوقي البقمي]

اخي نادر تبي تلقاء ان شاءالله رجل نشمي يخدمك من ربعك وان صعبت عليك


دور حول الاسواق القريبه منكم سوداني ترا فيهم خبراء في الابل يعرفون اغلب امراض لابل . ويبي يخدمك اما بالناموس ولا الفوس .. وهي بسيطه صاحب الخبره البسيطه ينهي الموضوع ..


هذه ضفارة وليس طير...

[نادر حمود]

سلطان قالو لي ماهي ظفاره يقولون الظفاره تسكر وحده من عيونها ولا الثنتين وتدمع الناقه عيونها مفتحتها بس ما تشوف ولا تدمع

[هادى بن سند]

عطها برسيم وكثره عليها وبتشوف انشالله

[سلطان المرزوقي البقمي]

سلطان الله يعافيك لا العينين كلها معاد تشوفها ودموع ما لاحظت عليها دموع عطيتها ابر فيتامين وغسلت عينها ببنسلين ولا صار شي معها

سلطان قالو لي ماهي ظفاره يقولون الظفاره تسكر وحده من عيونها ولا الثنتين وتدمع الناقه عيونها مفتحتها بس ما تشوف ولا تدمع


اخي نادر انت عندك تناقض عجيب .. ردك الاول على استفساري قلت (عيونها معاد تشوفها) يعني ضمور العينين وتسكير الجفون عليها ! هذا ردك الاول.



وبناءً على ردك الاول قلت لك هذه ضفاره !



وردك الثاني تقول عيونها مفتحتها بس ماتشوف ... وهذا شي أخر قد يكون طير وقد يكون مرض آ خر..



عموماً شف لك دكتور بيطري يفيدك اكثر ...





بالتوفيق،،

[نادر حمود]

سلطان الناقه عيونها مفتحتها عادي بس ما تشوف شي ورقبتها وراسها فيها اهتزاز واذا فكيتها مع الابل تروح ما تقعد مايوقفه الا المطيح والعلف ماغير تشمه لا حطيتها عند راسها والبيطري جيته يقول نقص فيتامين او طير وعطيتها ابر الفيتامين اربع ايام رابع يوم امس وحده من عيونها تشوف حاجه بسيطه مثل الشعره

[نادر حمود]

عطها برسيم وكثره عليها وبتشوف انشالله

يابو سند قالو لي عطها برسيم حق الارانب زين لها وجبته لها بس المشكله ماتشوف العلف واذا حركت الحاض عندها نزلت راسها عليه تشمه وتتركه

[نادر حمود]

ف انتظار النشاما

[خالد الفالح]

ناقتك فيها طير
مر الييطري وبعطيك قاروره فيتامين اعتقد اسمه بي 1 قيمتها خابرها بميه
تدقها بها في اللحم خمس أيام إلى عشر أيام
وبتشوف العافيه من ثالث يوم بس استمر عليها
والله يفك عوقها

[نادر حمود]

ناقتك فيها طير
مر الييطري وبعطيك قاروره فيتامين اعتقد اسمه بي 1 قيمتها خابرها بميه
تدقها بها في اللحم خمس أيام إلى عشر أيام
وبتشوف العافيه من ثالث يوم بس استمر عليها
والله يفك عوقها


خالد بيض الله وجهك يالامير يعني ما اكوي الناقه اعطيها العلاج هاذا واتوكل على الله