علاج الحكه

[محمد بن ذويخ]

السلام عليكم, ومسيتم بالخير جميع
الي عنده فكره, او مرت عليه الحاله
انا عندي بكره مزاين مسكر عليها في تور لحالها ولها شبك كبير تطلع فيه, لكن جاها شي غريب بعد مامر عليها واحد مقلوع وشافها, المهم البكره جلست تاكل عضدها من يمين ويسار لين تدمي اذا ذاقت الدم رفعت رقبتها, والناقه شوعها زين واكلها زين.
افيدونا الله يجزاكم خير.

[عادل الضويحي]

السلام عليكم
حياك الله ماتشوف بأس اما بالنسبه الله يعينك تروح لرجال اللي شاف البكره وتاخذ اثر منه اما فنجال القهوه اللي تقهوا منه او الفصم او أي شئ منه حطه بماء ورش البكره واسقها منه وسلامتك
اما العلاج الطبي ماعندي فكره عنه

[سلطان المرزوقي]

يامرحبا يامحمد

البكرة فيها حدم , يعني ( متضايقه من سجنة الشبك , فكها مع امهاتها وبيروح عنها )

بكرتك إن شاء الله بخير والله يستر عليها

وان كانك شاك فالي شافها اقر عليها بصوت عالي الفاتحه وآية الكرسي وانفث عليها , او اقر في ماء وانفث فيه ورشه عليها , وادع قل ( اعيذك بكلمات الله التامات من شر ماخلق) ثلاث مرات

الله يبارك لك ويكفينا ووكل مسلم شياطين الأنس والجن

تحياتي