فزعتكم فالموتر

[جمل عبدالرحمن]

مساكم الله بالخير يالربع
اما بعد...........

انا راعي مقانيص و رحلات ومكاشيت و ابل
وكان معي جيب لاند كروزر 98 وكد معي مشا 323 وبعته

وهالحين ناوي اشتري شاص لاكن؟؟؟ مدري وش اخذ 11ريشه ولا 8ريش وموديل كم اخذ هل الجدييد فيه خير

ونا ابيلي موتر يكد ويمد \لك وللزمن\ يعني هوموتري الوحيد ابتمشا فيه بروح للدوام فيه وبقنص فيه وبروح للبر فيه وبروح للبل فيه
تكفووون يالنشامااا المطااااليق
لاتخلوني افزعولي
والله لدعيلكم

[شجاع عمر الأكلبي]

عليك بموديل ٢٠٠٩ الموديلات اللي بعده الهايلكس أطيب منها

وإنكانك تبي جديد فعليك بالنيسان الشاص

[حمد مبارك]

انا مجرب الاثنين صراحه 11 ريشه متعب في الخط 8 ريش افضل و اقل مطاب

التحميل 11 افضل من 8 ريش
8 ريش يشيل من 25 الى 30 كيس ويمكن يوصل 40 لكن بينزل من ورى
11 ريش يشيل من 50 الى 60 كيس بالراحه

المكينه من 2010 تغيرت الاولى اقوى لكن الجديد دايم افضل لان كل الموديلات الجديده الجايه بتصير نفس الشي ماراح ترجع مكاينها للقديم
حتى قطع الغيار والصيانه بتصير للجديد
وكل موتر على سواقه وعلى سواقته في البر كان مكينته قويه او ضعيفه
هذا رايي

[أحمد محمد الحمد]

خذ الشاص تايوتا 2008 أو 2009 وريح رأسك خط ومشاورير ولك ولزمن من واقع تجربه اتكلم عن الرفرف أما قوة التحميل للاعلاف بدون رفرف افضل حتى مع الرمل اقوى من الرفرف أما سيد الشاصات ان حصلت 2006 امسك ولا تفك نصيحة اخو بس دور النظيف بعد كذا من 2010 الى اخر موديل صور سيارات شفها في الورش كانها كأنها هناكر مكاينها ما تتحمل تخبط بسرعه ولا تتحمل الكرف سيارات ديكور فقط ابعد عنها ويرزقك الله
هذه نصيحتي لك والله ولي التوفيق
2006 2006 2006 لا يفوتك
تحياتي

[عبدالرحمن الوهبي التميمي]

دامه هو موترك تروح عليه للدوام والمقناص فلا تاخذ ١١ ريشة

ال ١١ ريشة يلعب بالظهر لعب خصوصا بالنفود ومطبه اقشر

ميزته الوحيدة التحميل انا احمل عليه فوق ال ٥٠ كيس

[جمل عبدالرحمن]

بيض الله وجيهكم ولاهنتم
لاكن الي ابا اوصله هل الشاص 8 ريش مثل ال11 ريشه عزمه في النفود وتحمله للمكده وممشاه في الرمله ماعليك خوف يعني
هل الشاص ال8ريش لو رحتبه الربع الخالي بيبيض وجهي وينومسني ولا بغرز وتعلقه الرمله لنه مهبط و مثل ماتخبرون 8ريش؟؟؟؟؟؟؟؟؟؟؟؟
http://www.mekshat.com/vb/images/misc/progress.gif

[بدر النفيعي]

خذ كلام أخوي شجاع الأكلبــي
ولا قصور في كلام أخوني الباقيــن ،،

وهذا الدليـل

^
^
^
http://www.youtube.com/watch?v=LG5Et3RDuBw