شوركم بالضراب ياهل البل .. والحيران

[عبد العزيز الباتل]

السلام عليكم ورحمة الله وبركاته

مسيتو بالخير جميع

يالربع عندي استفسار .. مع حيران اعمارها 6 شهور وسبع شهور وسهيل تبين وجاء وقت الهداد وش السوات يالربع اضرب البل واخلي حيرانها معها والا افرد عيالها .. اشيرو علي بالشور الزين .. علماً ان الفحل اللي بضرب عليه ماهو عندي عند جاري وابي البل بأذن الله تعاشر على البعير .

وبيض الله وجيهكم جميع

[ابراهيم التميمي]

السلام عليكم باختصار ضرب الابل واكرمها

[عبدالله بن مطلق المزحمي]

وعليكم السلام ورحمة الله وبركاته

الاخ عبدالعزيز

الحين ما يقالها حيران اذا ظهر سهيل تسمى مفاريد
والوقت ذا طال عمرك تعزل المفاريد وتعلف امهاتها
عشان تجسر الناقه

واللي ولدها حدرها ويلهجها قليل الجسره فيها ولا تعشر على سيره

والناقه الضعيف واللي حالها ماهوب زين ما هي مثل الناقه السمين
اللي تجسر على طول واللي اذا اضربها الفحل تعشر على طول

ونسأل الله لنا ولك ولجميع المسلمين البركه

[غانم مبارك آل عمار]

اخوي عبدالعزيز قدم على المفاريد
واكرم امهاتها وانشاء الله بتياسر

[عادل الضويحي]

افرد عيالها يمال الشحم وكثر لها العلف من برسيم وشعير اسبوعين وتشوف اليسره اما اذا تبي الحليب شئ ثاني

ورائيي ليه ما اضربت النياق يوم كانت توها خلفات كان يمديها الان متالي حول الولاد يوم تفرد ولدها عنها الا هي متلي

هذا سواتي بالنياق ولا شفت فرق الا بقله الحليب مايذكر اما بالنسبه للحيران ما عليها ملاحظات من ناحيه الحال او العظم

او الامراض نياقي الشهور اللي فاتت خلفات ولقحات كسوب متالي الان بعت عيالها والحمدلله على توفيقه

[احمد الشهراني]

ماتعاشر وعيالها معها الا اخر الموسم
اعزل عيالها واكرمها تغانم الوقت وريح راسك

[عبد العزيز الباتل]

رحم الله والديكم جميع

[سلطان المرزوقي البقمي]

اعزل الحيران في الشبك وضرم الابل شعير+ رودس الاسبوع الاول على شان ديوس الابل ماتنحشر حليب . وبعد 8 ايام شعير وبرسيم وتشوف الجسرة . وفك الفحل ..


عسى الله يرزقك بالانتاج الطيب..