ماهو هذا المرض وماهو علاجه

[عبدالرحمن بن بديد]

يالربع عندي ناقه فيها كحه بسيطه واكثر ماتجيها بالليل،،، والناقه مانلاحظ عليه شي غير الكحه لا بدنتها ولا اكلها.وش المشكله ووش العلاج


الموضوع الثاني عندي حاشي حق صار لطيف واكله قليل وعطيته ابرة جرب قبل ثلاث ايام ونرجو مساعدتكم الله يجزاكم خير

[فواز ال مفرح]

مساء الخير أخوي
مرض النحاز يجئ الابل وقت البرادين الصباح و الليل وهو عباره عن كحه وعلاجه أبره
وفيه مرض آخر وهو الجزام تكح منه المطيه كحه قويه بالحيل وعلاجه الكي

[عبدالرحمن بن بديد]

مشكور يافواز
وهل النحاز له علامات غير الكحه؟؟؟؟ الناقه اكثر ماتكح بالليل ولافيه اعراض اخرى غير الكحه،،،، وهي تسعل سعال بالصبط زي سعال الشرقه ولها فتره حوالي اسبوعين تقريبا






ننتظر بقية الاخوان

[ماجد ال سالم]

هلا اخوي فواز نعم زي ما قال اخوي فواز هذا النحاز

من ناحية عرض اخر للنحاز بعض الابل عيونها تدمع مع الكحه وتلاحظ الدمع من عينها

[عبدالرحمن بن بديد]

الله يجزاكم خير


باقي القعود

[مبارك المري]

النحاز يجي معه حرارة وتتعب الناقة وتضمر
اذا كان فيه تورم حول زور الناقة يمكن يكون ابودبة
او انه حساسية من الغبار الموجود في الاعلاف ويزداد في الليل خصوصا اذا كانت منطقتك ترتفع فيها الرطوبة في الليل

[طلال الصعيري]

انا جربت البنسلين مع نفس حالتك ونفعت