ياجماعه وش سبب جذع البل لعيالها

[علي بن طعيسان الحربي]

السلام عليكم ورحمة الله وبركاته
لاهنتو يالربع ابي رايكم وش سبب تجذيع البل لعيالها حيث عندي ثلاث نياق طشن عيالهن وحده بأول القيض و الثانيه بنص القيض والثالثه اليوم افيدوني بارك الله فيكم ماهي الحلول لهذه المشكله .

[علي بن طعيسان الحربي]

نبي منكم الرد لا هنتم يا اخوان

[فوازمحارب]

الله يعوض عليك ان شالله
والحلال يفدى اهله
السبب الاول التمر اذا كثرت منه المطيه ولاهي متعوده عليه هاذا يجدع
والسبب الثاني ( المالطيه) بعد تجدع
حلل النياق الي جدعن عيالهن عن المالطيه
والعلم عند الله

[سلطان بن علي الروقي]

الله يعوض عليك وفيه سبب رئيسي والبعض يغفل عنه وهو ( الرودس ) ون الاسباب ايضا" الهيام

[هادي اليامي]

النحاز هو السبب في تجديع الحيران

شوف البل اذا كانت تكح وحالها ينسل بين حين وآخر فمعناته البل فيها نحاز ويلزمك ابر نحاز

[عبدالرحمن الوهبي التميمي]

الله يعوض عليك

الصعاد له اسباب مختلفة

الجفال له دور

وبعض العلف له دور

المالطية ايضا سبب

الهيام سبب

طفيليات الدم الاخرى سبب

انا اصعدت عندي ناقة وبعد التحليل

وجدت في الدم طفيل اسمه انابلازما يسبب الاصعاد

وناقة ثانية اصعدت وبعد التحليل لم نجد شي

القسمة والنصيب وان الله ما كتب لك من هالناقة انتاج

وسلامتك

[جابر ابوشهاب]

هذي القسمه والنصيب

عندي ناقه اصعدت وبعدها لقحت وولدت

وبالنسبه للرودس ماله اي ضرر ابداااا لان ذودي على رودس ولايضرها

ولكن فيه ناس قالو ابعد الناقه المصعد من البل
جايز يكون الصعاد يعدي

والله العالم

[نواف الحربي]

أضافه الى ما كره الاخوان
البشمه تصعد. سوء التغذية بعد تصعد
كثر الشحم بعد يصعد في المراحل المتاخره
والله يعوضك بخير
الحقيقة ثلاث واجد وأكيد فيه سبب

وبر سلك على الخاص

[حمود العتيبي]

حلل عن المالطيه تراها تصعد بالبل

[شجاع عمر الأكلبي]

الشاحم بالمرّة مهددة بالصعاد هذا مافيه شك

وفيه سبب ثاني اللي هو الهجيج يضرها شاحم وغير شاحم

وعسى يخلف لك بأبرك من اللي راح

[جابر ابوشهاب]

نبي رد منك يا علي

حللت البل ولا بعد ياليت تحللها

وتعطينا خبر الله لا يهينك

شكرا