الناقه ماتشوف باحد عيونها الفزعه

[منصوراليامي]

السلام عليكم ورحمة الله وبركاته
اخواني الاعزاء عندي ناقه مضروبه
في عينها والحين ماتشوف بالعين
المضروبه وعلي العين غشاوه بيضاء
فارجوا الافاده عاجل تكفون هل لها
علاج ودمتم بخير وعافيه

[بدر المغيري]

اخوي منصور ناقه عينها بيضاء

[بدر المغيري]

اخوي منصور ناقه عينها بيضاء

[منصوراليامي]

نعم اخوي بدر عينها بيضاء

[فوازمحارب]

هاذي طرفه وعلاجها كوي على رأس الذيل اخره من تحت ردعه (صفر)
واخلط جاره خفيفه مره وملح بس رش عينه المصابه وحاول انه يدخل جوى العين
واعد الغسل بعد يومين او ثلاثه
وماتشوف شر ان شاء لله

[احمد الشهراني]

علاجها من خشمها
فيه شمري معالج في المنتدى شفته الاسبوع الي راح اساله احسن

[نواف بن جندل العازمي]

السلام عليكم
اخوي منصور الحاله هذي صارت معاي ثلاث مرات
المره الاولى ملطومه الناقه وقامت تدمع عينها وبعد ثلاث صارت بيضاء وهي مرحله الخطر
والناقتين الثانيات كان الجو عج وغبار وطوز وما تشوف يدك ثلاث ايام من الغبار ورابع يوم ناقتين قامت
تدمع عيونهم وبعد يوم صارت باللون الأحمر وبعدها قام يدخل اللون الابيض
ووقت اللون الأحمر تشوف الناقه ويوم صار ابيض ما قامت تشوف

الحل سهل وبسيط ولكن يجب الاستعجال
يوجد علاج بالبيطري اسمه تايلند واسمه تايلن
فقط تضع بالعين المريضه ثلاث قطرات الصبح والمغرب ثلاث قطرات
لمده ٤ او ٥ ايام
عالجت نفس هالحاله يمكن ٤٠ ناقه وجميعهم سلموا ولله الحمد

[فهد الجعفري]

اخوي صارت عندي الحالة
وعلاجه بإذن الله تعالى
مرهم عند البيطري يعصر
بالعين وقبل لا تعصر نظف
العين وان شاء الله ما تشوف شر
لكن استعجل بالعلاج