استفسار عن الحوار المنكسر

[موسى الدريويش]

السلام عليكم

ياالربع عندي حوار يتيم وتوه داش مخلول

والحوار جايه ضعف من قل الحليب

والنيه انه مشروع فحل،،

وشتنصحوني يا اخوان من الفيتامينات والعلف ،،!

الله يجزاكم خير

[عايض جابر العتيبي]

علمه على اللبن اللبن حق المراعي الاخضر و الطحين و الما و السكر علمه على الما و السكر وكثر السكر اول مره عشان معاد يطيح من قلبه

وذا حطيت مع اللبن حلبه افضل

[احمد الشهراني]

اشتر له عنز الله يعينك

[محمد سعود العتيبي]

احلب له وحده من البل

وحط معه حوارة كبره ولا حوله عشان يجريه على الاكل

[موسى الدريويش]

الله يجزاكم خير على الردود وما قصرتوا على المعلومات

الحوار يا اخوان تعدى ان شاءالله مرحلة الخطر اللي هي شرب الحليب وداش مخلول

وهو الحمدلله ياكل لكن حايشه ضعف وودي استفيد منكم

بالفيتامينات والعلف ؟؟ ودي يرتفع سنامه ويسمن،، وش تنصحوني بافضل شي من فيتامينات وعلف

[عادل الضويحي]

نقع البرسيم والشعير المجروش عند خشمه 24 ساعه وحط له ملح اذا ما فيه حمظ حولك الى ان تهده بالبل الى جذع يعني
راح يزرق سنامه خلال شهرين انشاء الله

[فوازمحارب]

ازيد على اخوي عادل خذ لك كيس شعير واطحنه انت لا تشري الجاهز لانه مأخوذه فايتده
اضف عليه كيلو من عدس وحلب وحبه سودا وكثر من الذره صفرى والذره بيضاء واخلطهن مه الكيس واعطه على شوي شوي لين يتعود واعد الكره مره ثانيه
ونوع عليه من البرسيم اخظر ويابس وعشاب من الي حولك مثل الرمث او الحمض بانواعه ()الاملاح ضروريه ()
اعطه حبوب نحاس كل شهرين او ثلاث على حبتين وقبل كل هاذى حبه الدود ظروريه

[موسى الدريويش]

الله يبيض وجيهكم وجعل من جابكم للجنه على النصايح اخي عادل وفواز
ولا يهونون باقي الربع،،

[نواف بن جندل العازمي]

ما قصروا الربع
ولكن أنا اشوف عطه بس وجبتين مشبعت المغرب وجبه شعير مع وافي والصبح برسيم وشعير ويوم ذره

العلف اذا عنده على طول ما يسمن

[بدر عبدالله العتيبي]

السلام عليكم ورة الله وبركاته رضع على فترات كل شوي برضاعه