إستفسار عاجل يا رجال

[شبنان الشهراني]

السلام عليكم ورحمة اله وبركاته

إستفسار يا رجال

عندي خلفتين مصاغير وأباكير كل وحده طلع بثومه من ديسها وريم غريب ما يبين في الديس من الخارج لكن يبين في ضرتها حاجة قاسية من أعلى الضره إلى راس الثومة وتغير لون الحليب يكون فيه شوي دم والظاهر أنها توجع الناقة ما تخلي الحاشي يرضع

وش الوريم هذا يا رجال وش الحل مع العلم أن البل تمشي

[حمود عواض]

هذا وريم يجي من نجاسه العمال سبق وصار لنياق عندنا من العمال من يده تكون فيها نجاسه عطها بنسلين ورشها بماء وملح

[شجاع عمر الأكلبي]

مافيها الا العافية
عطّف الإبل ونظفها من الحليب لايرد في ديودها
وسلامة الجميع

[عبدالرحمن الوهبي التميمي]

خذ لك مره وحطها في علبة ماء ورجها وغرها الناقة

وكمان خذ مره مطحونه وخلطها بموية وامسح ديس الناقة وباذن الله تبرا

هذي طريقة مجربة معنا

[احمد الشهراني]

تاكد العمال يبعدون عن المراح حينما يتوضؤن وانتو بكرامه

[شبنان الشهراني]

الأخ حمود عواض

الأخ شجاع عمر الأكلبي

الأخ عبدالرحمن الوهبي

الأخ أحمد الشهراني

رحم الله والديكم جميع كفيتوا ووفيتوا والله يجزاكم خير. ولا عدمناكم ولا عدمنا توجيهاتكم

تقبلوا تحياتي جميع

[راشد العرق]

انتبه من النزر ---كان الديد حار وقاسي ووجه الناقه شاين يمكن يكون نزر
جعلها ماتشوف شر-- والماء البارد زين للوريم

[فوازمحارب]

نزر نزر نزر نزر وماعليها شر حصل عندي قبل فتره وطقيته ابر والله اني ناسي بس مانفع معي
عس ان يرد احد عن علاج النزر هاذى هو والي في ناقتك *******

[شبنان الشهراني]

بيض الله وجيهكم جميع ولا عدمناكم

عند تنظيف ديس الناقة يطلع صديد ودم مع الحليب وان شاء الله انها بدت تتعافى