يالربع إستشاره لاهنتم

[غيث بن بدر]

السلام عليكم ،
ياخوان عندي ناقة لها يومين ضامر وأكلها وسط ، وخاطرها
ماهو بزين ، ومافيها شيئ ظاهر من مرض ،وش رأيكم ؟

[محمد سعود العتيبي]

وعليكم السلام

الله يشفي ناقتك وبسيط ان شاء الله

مانقدر نحدد وش الي فيها

بس يا ان عندها ضعف في الشهيه

او يكون فيها دود

انا انصحك تروح البيطري وتأخذ بودر تجي في كيس ذهبي فوائدها فيتامينات وفاتح شهية
وخذ بعد شراب الدود ابو % 10
لا تعطيها البودره اول شي يمكن يكون فيها دود ولا تستفيد شي
عطها اول شي شراب الدود مقدار بياله مع الماء
بس عطشها واسقها الظهر عشان تشربه

ابي تفيدنا وش تعلف الناقه انت

والله يشفيها ويبارك لك فيه

وعذرنا على القصور

واخواني في المنتدى عندهم خبره اكثر مني

ان كان عندي اخطاء بيفيدوني ويفيدونك

[أحمد النبهان]

وعليكم السلام ورحمة الله وبركاته

أفتح أفم الناقه وتأكد أنها خاليه من الأحيرش
ويمكن تكون آكله كيس نايلون...

خاصة إذا هي مربوطه في الشبوك...
والله يشفيها لك
وما قصر أخونا محمد سعود العتيبي وصفته حلوه الله يجزاه خير...

[غيث بن بدر]

لاهنتم اخواني على المشاركة
اما بالنسبه لعلف الناقة فهو شعير وبرسيم ،
واليوم وصلت البل حصلتها تاكل بس الضمرة واضحه عليها ،
وش رايكم بعلاج الديدان وش افضل نوع
وجزاكم الله خيرا