المساعد الشخصي الرقمي

مشاهدة النسخة كاملة : عااااااجل البكره نفرة ولدها

عبدالرحمن المحسن
19 / 04 / 2013, 19 : 11 PM
السلام عليكم

يا اخوان عندي بكره بكر ولدت اليوم ونفرة ولدها

ابي حلول عاجله تخليها تركب ولدها

لأني كاره الظيار

وجزاكم الله خير
حمود عواض
19 / 04 / 2013, 40 : 11 PM
دخل عليها كلب هي وولدها في شبك صغير وحاول تثيرها بالكلب لين تهجم عليه وطلع الكلب على طول واذا مافاد مالك الا الضيار
نايف بن سعد
20 / 04 / 2013, 46 : 01 AM
حطلها شبك صغير بعيد عن الابل وحط ولدها عندها


وحول تخليها ماتشوف احد الا ولدها

وانشالله تتركب
عبدالله بن ذيب
20 / 04 / 2013, 12 : 09 AM
كلام الاخ نايف 10/10.
عبدالرحمن المحسن
20 / 04 / 2013, 11 : 10 AM
انا حاطها بشبك لكن قريب البل وبإذن الله اليوم ابعدها
وجزاكم الله خير
يوسف بن حمد
20 / 04 / 2013, 23 : 12 PM
احلب الناقه ومسح على حوارها من حليبها وسد خشمها زين بقطعة قماش فيها من حليبها خلها تشم حليبها زين لمدة عشر دقائق وفكها بعد العشر دقاق وخل الحوار معها في شبك صغير مرة علشان تشم ريحة الحوار وحتى الحوار يقدر يحاول يرضع منها
ولاتستعجل اصبر عليها وباذن الله تبي تعطف عليه

عندي نفس الحالة والحمدلله نفعت الطريقه وياليت تبلغنا ايش يصير معك (((وترا فية ابرة عند البيطرية للضيار اذا مامشى الحال معك )))
فهد العوسجي
21 / 04 / 2013, 53 : 02 AM
الله يعينك بالله علمنا وش يصير معك .. حتى نستفيد ..
عبدالرحمن المحسن
22 / 04 / 2013, 12 : 08 AM
الناقه تدر علينا اذا مسحناها والحوار يرضع منها لكن ولدها حاربته شكلها راكبتني عن ولدها هههههههههههه ونفسيتها من امس احسن بعد ما اخلعتها ابخليها يومين وبعد اشوف طب الاخوان واعطيكم علمها بإذن الله
يوسف بن حمد
22 / 04 / 2013, 35 : 12 PM
الحمد لله .ماعليها خلاف اذا هي درت بس اهم شئ خلها بشبك مع الحوار لحالها وراح تتعود عليه وتحن عليه بأذن الله مع الايام
عبدالرحمن المحسن
22 / 04 / 2013, 59 : 01 PM
البكره غنوج وماسحت علينا بس ولدها حاربتهلكن ماعليه خلاف دامها درتوآخر الطب الكي
محمد الوهبي التميمي
22 / 04 / 2013, 06 : 04 PM
حطلها شبك صغير بعيد عن الابل وحط ولدها عندها


وحول تخليها ماتشوف احد الا ولدها

وانشالله تتركب
100%
عبدالرحمن المحسن
23 / 04 / 2013, 24 : 06 PM
ابشركم ولله الحمد البكره اصبحت عاطفه ع ولدها
محمد الصياف
24 / 04 / 2013, 09 : 10 AM
لله يمنحك منها ومن حوارها
لكن يا أخ عبدالرحمن لم تذكر للجميع الطريقة التي بموجبها ركبت حوارها ليستفيد الجميع ...
عبدالرحمن المحسن
25 / 04 / 2013, 25 : 07 AM
والله كل شي سويته عزلتها في شبك لكن عند البل ما ابعتهاواخلعتها وحطيت من حليبها ع ظهر ولدها وبخشمها طب اخونا يوسف
وفيه حوار تولج ولدها يتهبده وبعدها ارزمت عليه وشفتها كانها تبيه وهيه مقيده ومن بعدها وهي تركبه ولله الحمد والاطباب واجد والا ادري وش نفع منها وهي كلها خير والله اراد بولدها خير ولله الحمد
حمود عواض
25 / 04 / 2013, 46 : 02 PM
الحمد لله