سؤال إلى أهل الإبل

[صالح بن سالم بن صالح]

أنا جديد في مجال الإبل وأريد شوركم أخذ لي ابل مجاهيم عدلات وضربهن لبعير طيب وجرب حظي ولا أخذ لي حواره طيبه يعني في حدود الثلاثمائة ألف ريال

[عبدالله جمال العتيبي]

دور لك نياق وضح مقنوي طيبات ان مشيت معهن اطربنك وان ضربتهن بفحول طيبة اغننك
الله يرزقنا واياك من واسع فضلة

[سالم الغانم]

والله الحواره خطيره معرضه للأمراض افضل النياق

[محمد سعود العتيبي]

لا بالله لا تشتري حواره

ان كانك في ديرة مغاتير وفحول المغاتير الطيبه حولك اشتر مغاتير

ون كان الفحول المجاهيم الطيبه حولك اشتر مجاهيم

بس لاتشتري إلا الطيب

[حمود عواض]

اترك الحواره بل نياق موجهات زينه وضرب من فحول منتجه وانت ولونك الي تبيه والله يوفك

[صالح بن سالم بن صالح]

الله يجزاكم كل خير قررت أخذ نياق بس ممكن تفاصيل أدق بنسبه ١- للسن ٢-للمواصفات الناقه بشكل ولا بلانتاج ٣-الاسعار٤-الفحول

[حاتم العماري]

خلك واقعي واشتر خلفات هالايام الطيبات من رباع وتحت مابين ثنو وبكر //اللي حيرانها طيبه (مقاني) وتمنح وبداية الموسم ضربهن بالفحول الطيبه والله يوفقك ... واستخر ربك واستشر هل النظر والله يوفقك
الثلاثميه بتجيب من سبع الى عشر حلوات باسعار هالايام والله يوفقك

[احمد الشهراني]

اشتر في الصيف ارخص ولاتستعجل في الشرا وعد النظرررررر وشف النياق مثل ماقال العماري بالتمام الي عيالها طيبه يجي انتاجها طيب واستشر هل النظر من من تثق فيه البكره امسكها واعزلها قبل الشتا الجاي والقعود بعه في اجازة الصيف لانه موسم وجهز نياقك من علف وعلاج و شف لك بعير له صيت وامسك سرا والله يعينك ويوفقك