رايكم في ذراق الحوار ..

[هادي العلي]

السلام عليكم ورحمة الله وبركاته

مساكم الله بالخير جميع

عندي استفسار يا اخوان بخصوص حوار عمره 15 يوم ومن قبل امس بادي معه ذراق اجلكم الله لكن ذراق لونه اصفر و خفيف يعني جامد شوي ماهو سايل ومع العلم ان الحوار طبيعي جدا ماعليه اي علامات تخوف ..

هل يحتاج تدخل طبي ولا اخليه دام اموره ماشيه ؟

مع العلم ان امه كانت على الرودس فقط وخليتها على التبن اجلكم الله

[أحمد التميمي]

ماعليه الا العافيه انشاء الله

[محمد سعود العتيبي]

لا تخليه يرضع الظهر وعطه ماء يشربه

اعزله من الساعه 11 وحلب امه العصر

وسلامتك

[مسفر محمد الحارثي]

حسب تجربتي اذا جاه الذراق اكرمك الله خف عليه من الحليب بحيث تخليه يرضع مرتين في اليوم يرضع الصباح واعزله من امه لين العصر وبعد ما يرضع العصر اعزله لين الصباح اهم شي خف عليه الحليب لمدة شهرين ولا ترحمه ابرك له يجوع ولا يزود عليه الحليب
وعطه مويه بارده

[عبدالعزيز البريدي]

خف عليه الحليب ومر البيطري عنده ضغاط للذراق عطه صبح ومسا

واحرص عليه الذراق خطروذابح عندي حوار عالجه اول باول ولاتهمله

والله يعافيه ويبارك لك فيه

[سيف الهاملي]

صبحك الله بالخير

ماعليه الا العافيه لاكن خف اللبن شوي وعطه ماء للإحتياط و تجنب العواقب

الله يشفي حلالك و حلال المسلمين

[هادي العلي]

الله يحييكم و يجزاكم خير على مروركم الطيب ومشاركاتكم الالمنصحه و الله يخشركم من دعاكم ..الحوار زاد معه الذراق شوي الله يعزكم قصرت له بالحليب خليته صبوح وغبوق وعطيته الضغاط اللي تقولون صبح و مغرب والله يشفيه وحلالكم وحلال المسلمين

[ذياب الشمري]

يا جماعة
اللبن أبو ريال تراه مفيد للذراق بعيدا عن المحاليل الكيمائية ...

[محمد الوهبي التميمي]

الماء البارد فالصباح وخفف عليه الحليب
اذا استمر الذراق لابد من محلول الجفاف والتدخل الطبي
ولي عوده للموضوع

[هادي العلي]

الله لا يهينكم جميع .. الذراق مستمر مع الحوار لكنه خاف و يقطّر عالخفيف الله يكرمكم عطيته الضغاط من الصيدلية واليوم ثالث يوم من استعماله ولا شفت جمود في ذراق الحوار .. مع العلم اني اخليه يرضع فالصباح شي بسيط و المغرب شي بسيط لكن أحس ان الحوار بدا يضعف مدري من الجوع ولا من الذراق .. واللي عنده علاج مجرب يعلمنا الله يبارك لكم في حلالكم

[عبداللطيف التميمي]

عطه بنسلين سبعة سنتي مع سبعة سنتي ماء في الفم مجرب وناجح باذن الله

[عيدالمنصورى]

http://t2.gstatic.com/images?q=tbn:ANd9GcTa00AhLIg4TBKPZGn7pTqqulwAkfZGh Nhv4tacKnIeowxME2P32Qالزبادي افضل علاج للذراق الخفيف والمتوسط مرتان باليوم

[عبداللطيف التميمي]

عطه بنسلين طويل المفعول سبعة سنتي مع سبعة سنتي ماء في الفم مجرب وناجح باذن الله

[متعب ال محمد]

سبب ذراق الحوار ان الحليب يرد فيه امه

اهم شي احلب امه مرتين يوميا وهي وعاطف نظف ديدها من الحليب

عطه عصار الذرااق وترا كل نوع له استخدامه بعضها ثلاث ضغطات وبعضها 5 ضغطات وبعضها يعطا مره باليوم وبعضها مرتين

نصيحتي اقطع منها التبن الله يكرمكم وعلفها دره فقط التبن يذبح الحيران العام واحد من الربع علف خلفاته تبن واكثر الحيران موتت من يوم تاكله يوجعا في بطونها

عطه مويه المااء زين له

نصيحتي لا ترده من الرضااعه خله يرضع ماعليه الجووو برد ومرتين في اليوم قليله عليه هذا اللي مخلي حاله يشين عليك بتنظيف ديد امه

[هادي العلي]

السلام عليكم ..

مسيتو بالخير .. والله لا يهينكم عالردود ..
يالربع انا اشغلتكم في هالحوار لكن ماعلي امون عليكم ..
الحوار مستمر معه الذراق أحيان سايل مثل الما و أحيان أصفر جامد شوي وانا عطيته كل العلاجات اللي للذراق عند البيطري بصورة منتظمه ولا نفع .. الحوار وده بالرضاع وانا خاف عليه الحليب والحوار ماسك حاله والذراق صار له معه ١٢ يوم وانا من اليوم رحمته معاد عطيته ادويه .. أحس ان ذراقه طبيعي من البرد مع انه في ذرا ومجلل اللي منكم له راي ولا يعرف له علاج شعبي يعلمنا وجزاكم الله خير ..

[احمد علي]

افحص حليب أمه يمكن في حليبها شي

[بخيت البريدي]

اخوي الكريم كلن ادلا بدلوه وانت جربت كل التجارب واسمع النصيحه عطه نص غرشة وماء الصباح ونص غرشه ماء العصر وزبادي قليل الدسم وجبتين في اليوم وانشالله بتشوف الفرق ولا كيميائيات ولا مضادات حيويه

[نادر الراجي]

ماء+سكر اخلطهم بغرشة ماء وغره وماقدامه الا العافيه

[محمد ساعد]

شاهي تلقيمه املا يدك اغله وليا برد اسقه مره وحده ويطيب باذن الله
ولا تنسى تدعي لي

[حمود العتيبي]

انتبه من الضاط كل ماعطيناه حوار جاه انتفاخ وامساك ومات

[سيف الهاملي]

الضغاط لا يعطا باستمرار خذ الوصفه من البيطري و الشاهي المغلي و بعدها تبرده و تشربه الحاشي هذا وصف الاولين بس ماجربته