رأيكم بالقعود يالربع

[ثامر المطيري]

السلام عليكم
مساكم الله بالخير جميع
عندي بارك الله فيكم قعود ثني هديته مع البل بداية الوقت واضرب وعشرت عليه ثلاث من البل وهو ماعصب
القعود الحين ما يبي يضرب الا بعد اسبوع ولا أشوفه عاصب وكنه مايبي البل ومرات يعضها
ربطناه وهو وسطها لعله يتغير طبعه وما تغير شي
وش أسوي رأيكم خاصه انه قعود مشتراه ماهو شوي والرجا بالله سبحانه

[محمد فرج العزران]

ان كن القعود بطين يوم هديته تراه استوجع من الهداد وانا اقول يمكن.

جرب تضغط على البطن من ورى السر براحة يدك وهو واقف وشف ان كنه استوجع ولا تضايق ولا اذا دوم على الناقة وقف عليها ولا انسل فاحتمال يكون صاده بعج. وعلاجة تحماه من الاضراب 40 يوم.

والله اعلم

[سعود بن هادي]

هد في البل احد الركاب اللي عندك وخله يشوف الفحل الثاني يضرب وخل العامل يرش ظهر البعير بماء مع الفجر لمده اسبوع وبتشوف التحسن ان شاءالله

[محمدبن رشيد الحنتوشي]

يمكنه مبعوج لازم تقصه زي ما قال ابوفرج