مشكله في العيون

[مبارك بن محمد]

السلام عليكم ورحمه الله

يا اخواني هالحاله جتني في وحده من السودانيات ..وفجاء اشوفه انتقل لوحده سودانيه ثانيه ومن ثم لحواره عندي

المشكله تكون في جفون العيون .. تشوف جفن الحين يورم ويدخل لداخل العين .. وتلاقي الشعر ملاصق العيون وتم عيونها تدمع بدون توقف وتحك الناقه عينها في كل بيبه من الشروه والحكه ..

لدرجه انك تشوف شعر الجفن بدا يتنتف ولا يبقى منه الا القليل ..

قلبت جفن العين قلت يمكن يكون وسخ ولا شي من الدواب الصغيره تحته .. بس ما لقيت شي ..

وش رايكم يا اخوان .. هل مرت عليكم نفس هالحاله .. ووش الحل ..!؟؟

وجزاكم الله خير مقدما

[محمد الوهبي التميمي]

اللتهاب الجفن وفالغالب يأتي من الذباب أعزك الله
يوجد مرهم مضاد صناعه فرنسية يقضي عل الاتهاب بوقت قياسي
والله يشفي حلاك من كل شر

[مبارك بن محمد]

اللتهاب الجفن وفالغالب يأتي من الذباب أعزك الله
يوجد مرهم مضاد صناعه فرنسية يقضي عل الاتهاب بوقت قياسي
والله يشفي حلاك من كل شر

جزاك الله خير يا بوجاسم ..

وجعل من جابك الجنه .. تصدق طاف من بالي الاتهابات ..

بجرب بعون الله الكريم .. بس على الله يخف عليها لانها بصراحه الاحظ انه جفن العين لداخل والشعر يوخز العين لدرجه انها ما تتحمله المطيه وتتم تحك عينها باي عمود او حديده او حتى السياج الحديدي ..

[سيف الهاملي]

صبحك الله بالخير

انصحك بتجربة الماء مع السكر ولابد من استشارة الطبيب البيطري الله يشفي حلالك و حلال المسلمين

[مبارك بن محمد]

حياك الله يا سيف وجزاك الله خير .. تبي الصدق كنت افكر في الماي والسكر .. بس قلت العين ما فيها شي .. المشكله في الجفن والهدب .. فما جربته .. بس بجربه قبل الكريم