عااااجل وش الحل

[متعب العمار]

السلام عليكم

ياخوان عندي خلفه يوم ضوت للمراح مع الابل قامت تطرد الابل
وتعض الابل وصوبت 4 من خيار الابل والله يستر

كثير قالو هذي الناقه مغلوثـه
وبالقوه عزلناها في شبك وربطناها واصبحت ميــته


البعض يقول هذي ماهي مغلوثه هذي مقروصه وفيها تنسيم في راسها يسبب لها كذا
وانا استغرب وش اللي بيقرصها هالوقت
والسبب لقولهم هذا ان الناقه اصبحت ميـته وراسها ( منتفخ ) بالحيل


هل الناقه المغلوثه بعد ماتموت ينتفخ راسهاااا
سؤالي الثاني

اذا هي مغلوثه وعاضها كلب الله يكرمكم او حصني كم المده اللي تغلث الناقه فيها؟

واذا الناقه مغلوثه وصوبت ناقه ثانيه متى يبدا مفعول الغلاث في الناقه المصوبه .؟

لان عندنا نياق مصووبه من الخلفه وكوينا مكان التصويب ورشيناه ببخاخ من البيطري




ووش تنصحوني فيه يالربـــع

[عبدالرحمن الكسر]

فاديه ان شاء الله ، وحسب علمي ان المغلوثة ماتموت على طول تاخذ لها فترة غير محددة كان عند قصير لنا بكرة انغلثت وعالجها مافاد فيها العلاج واخذت حول اسبوع وبعدها رحمها راعيها وذبحها ، اما اعراض القرص في اكثر الحالات الزبد بكمية كبيرة

[عبدالله جمال العتيبي]

اول شي الله يعوضك بابرك منها والبل تفدا اهلها
المغلوثه ضروري تشوف دم في مكان العضة
اما القرصة بتشوف تورم كبير في مكان القرصة واذا كانت القرصة متمكنه من الناقة بتشوفها تزبد ولاتخلي احد يقربها
والهوام كثيرة تطلع في هالوقت في قت الظهيرة اضعفها العقرب

[متعب العمار]

طيب هل القرصه يسبب لناقه كذا
وتطرد وتاكل الابل

[مبارك بن محمد]

اتوقع ملغوثه .. وهذا والله اعلم ..

لا قدر الله يا جماعه الخير احد انلغثت ناقته .. وش علاجها !؟؟؟؟؟؟

طبعا اللدغ والقبص له علاج ياللي هو المضاد الحيوي .. صح !؟

والله لا يقدر علينا ولا عليكم مكروه

[عبدالله جمال العتيبي]

طيب هل القرصه يسبب لناقه كذا
وتطرد وتاكل الابل




لقيت في الناقه دم ؟

[متعب العمار]

لا ماشفت فيها اي دم