الفزعة والرأي ياأهل العرف

[نواف البرقاوي العتيبي]

سلام عليكم ورحمة الله


يالربع عندي حوار له يوم ولاد توه بس يده ماهيب مضبوطه مايله ماهيب معتدله وهو يقوم ويرضع بس يده تقول عايب !!!


والحين وش رأيكم اصبر يومين والا ادور له علاج



وشاكر لكم

[صالح بن حسن البقمي]

ارحب يانواف اذا كان مايل ميلان خفيف ماعليه الشمس له طيب والحليب
بس مساله وقت ولا عليه مايضره انشالله

[نواف البرقاوي العتيبي]

لاهنت ياصالح وبيض الله وجهك



ويالربع اللي يعرف ينزل الصور من باب الفزعة يعلمني وارسلها له وتس اب



ولاعليكم امر

[حاتم العماري]

مايهمك
دواه الحليب والمشي والشمس
ابعده عن العزبه وخله يتبع امه ويرضع وكلها اسبوع تشوفه مثل الضبي باذن الله

[سعود الشلوي]

ابعده عن الارض الدكاك الدثه موقتا

[نواف البرقاوي العتيبي]

حاتم وسعود الله لايهينكم ويبيض وجيهكم


بس اليد مايله للجنب على برا واخاف اهمله وتزود وانا اقول ليونه والا عيب خلقي



مررررررررة ثاااااااانية شاكر للجميع

[يزيد محسن]

اتركها يانواف الحليب علاجة والناقه مجهم ولا لا
انا جاني بكره ونفس الشي وبدت تحسن عقب اسبوعيين والحين ماتلحق
اتركها بس ولا عليك

[نواف البرقاوي العتيبي]

هلا يايزيد والله يسمع منك


واللون عفر طال عمرك وان شاء الله بدور احداً ينزل صور ليد القعود




شاكر لك وبيض الله وجهك

[متعب ال محمد]

اصبر عليه لين يزل له اسبوع من ولادته وعطه حبة نحاس الخضراء الصغيره وفيه استرس فيتام مجموعة فيتامينات ممتازه للحيران تعطا عن طريق الفم من ثاني يوم نتايجها خياليه بس انقطعت حسبي الله عليهم دايم الشي الزين ينقطع شف فيتامينات نوع ثاني وعطه عن طريق الفم ان نفعته ولا ماهي ضارته

[محمد الوهبي التميمي]

مايحتاج لأي علاج
طبيعي ويتغير عليك بعد اسبوعيين للأفضل أن شاء الله

[نواف البرقاوي العتيبي]

الاخوان متعب ومحمد بيض الله وجيهكم

القعود بلاه من تحت مفصل الركبة مايلتن يده للجنب بالحيل وباقي اليد من فوق عادية

واليوم مريت البيطري ويقول هذا عيب خلقي ماله طب بس عطاني فيتامينات فالفم وبجربها وعلى الله وبالنسبة للكالسيوم قال مايحتاج لأن الحليب كله كالسيوم



بس وش فايدة حبوب النحاس ؟




الله لايهينكم جميعاً*******

[مسعود العماري]

عطه حبة نحاس كل خمس ايام

وفائدتها تشد الاعصاب

[نواف البرقاوي العتيبي]

الله يبيض وجهك يامسعود


وكيف طريقة استخدام هالحبوب ؟؟ وهل اخليها لحالها والا مع الفيتامينات ؟؟


وسوال ثاني كيف تستخدم الفيتامينات البيطريين عندنا اختلفوا


احد يقول استخدم اربعة ايام ثم وقف وارجع بعد ثلاثة او اربعة ايام

والثاني يقول استخدم الفيتامينات لين تنتهي لاتوقف

[فلاح البديوي]

ياطويل العمر اهم شي لاتشبعه حليب ولاتجوعه خير الامور الوسط

[نواف البرقاوي العتيبي]

بيض الله وجهك يافلاح



والله انا مانرده عن امه بس الربع يقولون الحليب زين له يلقى فيه كالسيوم




لاهنت يالذيب

[متعب ال محمد]

عطه حبة نحاس صغيره وحده فقط ترا كثرة النحاس تسبب التسمم والموت

وعطه فيتامينات عن طريق الفم على حسب وصفة الدكتور

وعطه فيتامين اي سيلينيوم فيه عدة انواع افضل نوع الفرنسي اللي نفس شركة الدرزون والبي ون عطه 5 سم يوم بعد يوم عطه خمس جرعات عن طريق الفم والافضل اول جرعه نعطيها ابره في اللحم 5 سم وباقي الايام بالفم

وترا بعض الحيران تجي متطرقه وفيها لين لكن بعد اسبوعين تتحسن وتشوفها كل يوم عن يوم بتحسن حتا لو ما اعطيتها الفيتامينات بس الفيتامينات وحبة النحاس تعطي نتايج افضل واسرع والله يشفيه انشالله

[بخيت البريدي]

انا اقول خله واذا بعد شهر ماقعدت تطرده بالسياره انا مارعف شي فكه من الادويه اللخ يرحم والديك وقدها طلبه

[سيف الشمري]

أخي العزيز / نواف بعد التحية والاحترام
لاتقلق بإذن الله مافيه إلا العافيه حدث عندي نفس الحالة والله إن يديه تلعب لعب تقل فيها رخاوه ولا يقف عليها متعكفه ويزحف زحف وتركته صرت أعطيه حلبه والآن ولله الحمد يمشى طبيعي
والله الموفق