رايكم في الناقة التي اخذت علاج الجسره ولا جسرت

[نواف بن عبدالعزيز]

الاخوة الكرام مع التحية والتقدير

عندي ناقة مسن ولا عمرها لقحت شريتها من مدة ثلاثة أشهر لسببين الاول جمالها والثاني بعد الاعتماد على الله ابحث عن انتاجها ...وقد اهتميت بها من ناحية العلف والعلاج حتى بداية شهر صفر احضرت طبيب بيطري ذو خبرة وكقاءة مشهوده وعمل لها تنظيف كامل وقطع الصيد وقال أنا حصلت زوائد في حياء الناقه يجعل الناقة خنثى وهذا سبب عدم لقاحها فيما مضى واعطاها أبرة جسرة وقال بعد ثلاثة ايام عرضها للجمل وبالفعل عرضتها في الموعد المحدد ولكن البعير عافها وقلت خيرة خلها تاخذ احدى عشر يوم واعطيها ابرة جسرة ثانية واضربها بعد ثلاثة ايام واحضرت بعير ثاني وبالفعل اضربها ولكنها ترغي وليس عليها اعراض الجسرة وسؤالي هل هي مجسر او العلاج ضعيف او الناقة خايف ..ثم لو لم تلقح هل اعيد عليها نفس المنهج السابق ..اطمع في اراءكم وخبراتكم وتوجيهاتك ودمتم بخير

[سعود الشلوي]

اخوي نوااف

انا ارى انك بذلت جميع الاسباب

ومالك الا الصبر

وانا ما ارى انك تكرر ضرب الابرة الا بعد استشارة متخصص

وبعض البل ماتلقح الا من ثاني او ثالث ضربة

من رائي كل بعد 16 يوم ودها للفحل وشف

اذا ما عشرت خله يضربها

وبالتوفيق لك ان شاء الله

[نواف بن عبدالعزيز]

اخوي نوااف

انا ارى انك بذلت جميع الاسباب

ومالك الا الصبر

وانا ما ارى انك تكرر ضرب الابرة الا بعد استشارة متخصص

وبعض البل ماتلقح الا من ثاني او ثالث ضربة

من رائي كل بعد 16 يوم ودها للفحل وشف

اذا ما عشرت خله يضربها

وبالتوفيق لك ان شاء الله
================================================== ==========
مشكور ياأخ سعود وبيض الله وجهك

[فهيد الطويرش]

فتش في فمها امكن تحصل خراج نابت علي عرض اللسان او تحت اللسان زي اللحمه لونه ابيض اذا حصلته
ادمه بسكين او موس لين يطلع اعزك الله صديد ودم ثمن حط عليه ملح خشن وكرر الملح بعد ثالث يوم وبعدها
بسبوع اعرضها علي البعير وانشاءالله بتلقح اذا الله كاتبلها اللقاح

[نواف بن عبدالعزيز]

فتش في فمها امكن تحصل خراج نابت علي عرض اللسان او تحت اللسان زي اللحمه لونه ابيض اذا حصلته
ادمه بسكين او موس لين يطلع اعزك الله صديد ودم ثمن حط عليه ملح خشن وكرر الملح بعد ثالث يوم وبعدها
بسبوع اعرضها علي البعير وانشاءالله بتلقح اذا الله كاتبلها اللقاح
================================================

أشكر مرورك يا أخ فهيد وتوجيهك الطيب ، لكن هذا كله سويناه قبل اسبوع تفتيش من الصدام الى الصدام

واليوم ترغي تحت الجمل بالرغم من اعطاها 10سم من هرمون الجسرة ..

تقبل تحيتي

[عبدالله جمال العتيبي]

كم عطيتها خمسه أو عشرة

[سعيد سالم الخاطري]

الرغا وانا اخو ليس دليل ان الناقه ميسر او لا , كثير من الابل ترغي اذا نخيته لبعير وتلقح ما عليك من الرغا صبرعليها مده واذا ما لقحت رد ونوخها مره ثانيه وقطع عنها بالاضافه الى ابره الهيام الحاره بعد المناخ ب7 ساعات

[عبدالمحسن بن مروي]

اخوى الكريم نواف الاخوه الكرام اعضاء المنتدى السلام عليكم عندى ناقه مثل ناقتك بالضبط وجبت لها اثنين من دكاترة البيطره وعطوها مثل ما تفضلت ولا جسرت الناقه وحالت الناقه عندى والسنه هذى جبت لها طبيب شعبى فاهم ادخل على الناقه وحط ندوه وعطاها مضاد اسمه جنتامايسين وابرة جسره وبعد ثلاث ايام الناقه ماجسرت اتصلت عليه قال زود فى ابرة الجسره واصبر وزودت الكميه وفعلا اربعة ايام وجت لين طاحت تحت البعير والحمد لله ابشركم عشرت والله يبارك لنا ولكم ولا يخيب لنا تعب

[نواف بن عبدالعزيز]

كم عطيتها خمسه أو عشرة

=============================================
عطاها الدكتور قاروره كامله اظن عشرة

[عبدالله جمال العتيبي]

العشرة قوية جدا وتجسر غصب حتى اذا سمعت الفحل يهدر تطيح له على طول

[نواف بن عبدالعزيز]

الرغا وانا اخو ليس دليل ان الناقه ميسر او لا , كثير من الابل ترغي اذا نخيته لبعير وتلقح ما عليك من الرغا صبرعليها مده واذا ما لقحت رد ونوخها مره ثانيه وقطع عنها بالاضافه الى ابره الهيام الحاره بعد المناخ ب7 ساعات
=================================================

هلا وغلا بالخاطري ....اشكرك على مرورك العاطر واعدك اعطيها ابرة الهيام اذا مالقحت ,لكن ودي اعرف الحكمة من ابرة الهيام الحارة...وتقبل احترامي

[سعيد سالم الخاطري]

=================================================

هلا وغلا بالخاطري ....اشكرك على مرورك العاطر واعدك اعطيها ابرة الهيام اذا مالقحت ,لكن ودي اعرف الحكمة من ابرة الهيام الحارة...وتقبل احترامي

الهيام الحاره لها دور كبير بعد الله سبحانه لنها تنشط المطيه وتخلي الدوره الدمويه تمشي

[نواف بن عبدالعزيز]

الهيام الحاره لها دور كبير بعد الله سبحانه لنها تنشط المطيه وتخلي الدوره الدمويه تمشي

===============================================
مشكور يالخاطري وبيض الله وجهك
واليك هدية هذا البيت

ياسعود بلغ سلامي ماجـد الخاطـري
النادر اللي غلاه أمقيم بيـن الضلـوع
سلامٍ أزكى من أنسام الهواء العاطري
ولذ وأحلى من انتاج النحل ف الشموع
أعداد ماجاد غيث المزنـه الماطـري
ولاحت بروقه ورعاده يصح الهجـوع
يهدى لشيخٍ بساليب الوفـاء شاطـري
وتارد عليه النشاما في محله اجمـوع
ويلقون كيفٍ إدلاله صفر ومساطـري
والجاوي اللي نسيمه فالملابس اسبـوع
ويرمي لهم فالصيانا الحشو والفاطري
اللي من العام الاول في شحمها طلوع
وهاذي مشاعر لبو سلطان من خاطري
وعساك سالم وغانم بالسفر والرجـوع

[بخيت البريدي]

يابو عبدالعزيز كثر عليها القت طال عمرك اسبوع وشوف الفرق

[نواف بن عبدالعزيز]

يابو عبدالعزيز كثر عليها القت طال عمرك اسبوع وشوف الفرق
================================================== ============

يا أخ بخيت طال عمرك .. علي الطلاق ماخليت عليها قاصر ... تقبل مداعبتي لا عدمتك

[سعيد سالم الخاطري]

===============================================
مشكور يالخاطري وبيض الله وجهك
واليك هدية هذا البيت

ياسعود بلغ سلامي ماجـد الخاطـري
النادر اللي غلاه أمقيم بيـن الضلـوع
سلامٍ أزكى من أنسام الهواء العاطري
ولذ وأحلى من انتاج النحل ف الشموع
أعداد ماجاد غيث المزنـه الماطـري
ولاحت بروقه ورعاده يصح الهجـوع
يهدى لشيخٍ بساليب الوفـاء شاطـري
وتارد عليه النشاما في محله اجمـوع
ويلقون كيفٍ إدلاله صفر ومساطـري
والجاوي اللي نسيمه فالملابس اسبـوع
ويرمي لهم فالصيانا الحشو والفاطري
اللي من العام الاول في شحمها طلوع
وهاذي مشاعر لبو سلطان من خاطري
وعساك سالم وغانم بالسفر والرجـوع
سلامي عليك والله واهداء مقبول ماقصرت بس الابيات من له ؟

[نواف بن عبدالعزيز]

سلامي عليك والله واهداء مقبول ماقصرت بس الابيات من له ؟

======================================

وعليك السلام والابيات للشاعر نواف بن رازن مغناة بصوت الفنان ابو عيسى ومعروضة في قناة الصحراء

[بندر الرويلي]

اذا اضربتها المره الثانية عطها ابره مثبت ريسبتال والبعير فوقها وان شاء الله اذا لك رزق فيها بتاخذه

[نواف بن عبدالعزيز]

اذا اضربتها المره الثانية عطها ابره مثبت ريسبتال والبعير فوقها وان شاء الله اذا لك رزق فيها بتاخذه
===========================================

تسلم يابندر الرويلي .... وابشر تنفيذ توجيهك يالطيب