بكرة عمياء ارجو المساعده

[فهد المري]

السلام عليكم ورحمة الله وبركاته


عندي بكرة حقه ماتشوف من عينها وعينها الثانيه صاحيه

مع العلم ان العين اللي ماتشوف منها سوداء ولا تدمع والبكرة طبيعيه في كل شي

ومشكلتها من العام وهي ماتشوف من عينها

ارجو المساعده من اصحاب الخبرة اذا لها علاج وشكرا

[فهد المري]

للرفع وين اصحاب الخبرة

[ابراهيم الحربى]

مرحبا يافهد
بفيدك علي قد عرفي والله يجيب منهو اعرف مني يساعدك

هل كشفت عليها فيها ظفارة او لا ؟؟

اذ ماكشفت شوف لك احد من الربع يكشف عليها

لو انك تأخرت عليها

ولها كويه من خلف الاذن بس يلزم لك واحد خبير يكويها لان الموقع حساس
والله يكتب اللي فيه خير

[مشعل الشويش]

فيه مرض اسمه ( ابو رمح ) يصيب الأغنام
رح للبيطري وقل عطني ابرة ( ابو رمح )
اسحب منها وقطّر في عين البكره من البرواز اذا اضهرت ابرته اربع او خمس ايام او اكثر
والله يشفيها

[محمد مسلى الرشيدى]

ان كان مهيب ملطومة عطها ابرة فيتامين الف مخصصة للعين والقرنية

[عامر نهيان راشد]

فيتامين الف ودام عليه لمدة شهر ابره كل اربعة ايام او كل اسبوع مع زيادة الجرعه ورح للصيدليه وخذ مرهم للعيون ابو ٣٠ ريال . بس اهم شي داوم على ابرة فيتامين الف شهر كامل على الاقل

[عامر نهيان راشد]

فيتامين الف ودام عليه لمدة شهر ابره كل اربعة ايام او كل اسبوع مع زيادة الجرعه ورح للصيدليه وخذ مرهم للعيون ابو  ريال . بس اهم شي داوم على ابرة فيتامين الف شهر كامل على الاقل

[فهد المري]

ابراهيم ومشعل وعامر ومحمد

بيض الله وجيهكم وماقصرتوا