عاجل

[اصيل العتيبي]

عندي قعود عمره 15 يوم وماتغير حالة من ولادته ومشيته كانه توه ولد مع انه يشرب حليب واحيان يذرق بس مادري ليش حالة مايعجب من يشوفه

[عبدالرحمن الكسر]

عطه علاج رخاوه

[بندر الرويلي]

مثل ما ذكر الأخ عبدالرحمن فيه رخاوه عطه اي سلينيوم لمده اربعه ايام اول مره ابره 3 مل والمرات اللي عقبها عن طريق الفم 5 مل وبيتحسن ان شاء الله وافطن له من الحليب الزايد .

[نافع المخلفي]

مثل ما ذكرو الاخوان وفتش الحوار عن الخمله

[اصيل العتيبي]

جزاكم الله خير
صابته الخملة وتم علاجة ولله الحمد

[متعب ال محمد]

مساكم الله بالخير

وش تقصدون بالخمله

[مبارك بن محمد]

مساكم الله بالخير

وش تقصدون بالخمله

مثل ما قال اخوي متعب وش الخمله !؟

[سعد بن ناصر]

مثل ما قال اخوي متعب وش الخمله !؟

الخملة هي الحلم او الحمنان وهي اكبر من القراد شوي

[ماجد ال سالم]

هلا اخوي اصيل الحمد لله انك كشفت عليه بدري

بس سؤالي رشيت الحوار بدواء وممكن طريقة علاجه وسلامتك

[مبارك بن محمد]

هلا اخوي اصيل الحمد لله انك كشفت عليه بدري

بس سؤالي رشيت الحوار بدواء وممكن طريقة علاجه وسلامتك

طريقه الرش يا اخوي كالتالي ..

- اختار الوقت المناسب ياللي ما يكون فيه برد على شان ما تعالج مشكله وتبلش حوارك بمشكله مع البرد اي تاكد انه ما شي برد وثاني شي انك تسبحه الضحى وقت ما الشمس طالعه مش بالليل والوقت بارد (في الشتاء هالكلام طبعا )

- جهز لك سطل به ماء بكميه مناسبه (حسب احتياجك لتغسل به حوارك)
- ديتول اخضر علبه صغيره كامله 200 مل + سم قردان بقوه 40% ( بمقدار غطاء جره ماء صحه صغيره يعني بحدود 3 مل او اقل ولا تزيده اكثر لانه جسمه ما يتحمل السم) وتخلطه مع بعض

- تسبح الحوار به وتاكد بانه الماي ما يجي على عيون الحوار عن لا يعميه لا قدر الله

وسلامتكم

[اصيل العتيبي]

طريقه الرش يا اخوي كالتالي ..

- اختار الوقت المناسب ياللي ما يكون فيه برد على شان ما تعالج مشكله وتبلش حوارك بمشكله مع البرد اي تاكد انه ما شي برد وثاني شي انك تسبحه الضحى وقت ما الشمس طالعه مش بالليل والوقت بارد (في الشتاء هالكلام طبعا )

- جهز لك سطل به ماء بكميه مناسبه (حسب احتياجك لتغسل به حوارك)
- ديتول اخضر علبه صغيره كامله 200 مل + سم قردان بقوه 40% ( بمقدار غطاء جره ماء صحه صغيره يعني بحدود 3 مل او اقل ولا تزيده اكثر لانه جسمه ما يتحمل السم) وتخلطه مع بعض

- تسبح الحوار به وتاكد بانه الماي ما يجي على عيون الحوار عن لا يعميه لا قدر الله

وسلامتكم


جزاك الله خير