الخباش

[منصورمحمد]

السلام عليكم ورحمة اله وبركاته
عندي ناقه توا منتج تقريبا اخذت شهر واسبوع ودايم ديدها مستشري او مخبش يخف يومين ويرجعوعطيتها ابر من الدكتور ويخف واذا وقفت الابر رجع مع العلم اغسل الديد كل صبح بماء بارد ودهان والا شفت نتيجه الي يعرف علاجه لا يذخر
شاكر ردودكم

[مطلق فرحان]

السلام عليكم اخوي منصور
ابي اوصف لك علاج مجربة انا في خلفة عندي اول شي اقطع البرسيم والمكعب
واخذ لك (( مرة )) من عند العطار اخذ جديدة موهب مرة قديمة ونقعها في قارورة ببسي الكبيرة نص يوم واسقى الخلفة فنجال لمدة يومين واغسل خشمها وبعدين اغسل ديسها كل صبح وفي الليل اغسلها بماء بارد استمر عليها لين تشوفها تطيب باذن الله

[عبدالرحمن بن هادي]

اعطها أبره ذباب....... الذباب سبب رئيسي في تورم ديد الناقه

[منصورمحمد]

شكرا على ردودكم انا قطعت البرسيم وكنه خف يوم رجعته رجع
زين الى متى اقطعها من البرسيم

[لافي الشيباني]

اذا الخلفة في شبك طلعها وخلها تمشي يومياً من 2 الى 4 كيلو والماء لا تسقيها الا ظهر ولا تكثر الماء

[شافي العبنق]

اخوى خل الناقه تمشى يوميا مسافه طويله

[بندر الرويلي]

ما قصروا الأخوان وبجمع كلامهم لك هنا سبب الخباش غالباً البرسيم اذا الناقه ما تسرح ( ماتمشي ) وعلاج الخباش سهل ما يحتاج دكتور
اقطع البرسيم ونظف الديد بأستمرار وخل الناقه تسرح واغسل الديد بماء بارد او حط داخل الشماله ثلج وشمل الناقه ولا راح الخباش ارجع للبرسيم بشرط ان الناقه تسرح وخفف من الماء اسقها الظهر ولا يمنع من استخدام البنسلين 15 مل لمده 3 ايام او تجربت العلاج اللي ذكره الأخ مطلق الفرحان .

[منصورمحمد]

شكرا على ردودكم
بس الناقه مزال ديدها وارم يخف ويرجع وخاص يوم غسلنها با المره زاد وهذي صورها
لاتبخلون علينا

[سعد التبناني]

قلل الماء وخلها تسرح ولاتعطيها برسيم اخضر نهائيا

واذا شملتها تكها زيادة ورشها بماء بارد

المكعب لاباس به لانه يقلل من نسبة الماء

ولاتعطيها علاجات او اي شي

السبب الرئيسي للخباش الماء وان الناقه ماتسرح

واذا بغيت الدليل اعطها ماء وبرسيم اخضر الين تشبع

ثم خلها تسرح وسقها تقريبا مسافه 5 كيلو وهي عجله وشوف الفرق في ديدها

[هادي العاوي]

اخوي منصور
اقطع العلف من الناقه بس عطها ذره لين تشبع وخلها على كذا لين يخف الديد واحلب الناقه مرتين صبح ومساء وعقبه عطها شعير بس خفيف