المساعد الشخصي الرقمي

مشاهدة النسخة كاملة : استخير واستشير الطيبن

فهد مثقاب العتيبي
09 / 09 / 2007, 14 : 01 AM
بسم الله الرحمن الرحيم

السلام عليكم ورحمة الله وبركاته



اريد ان اشتري كذا ناقه او بكار لقايا اضافه لابلي فهل اذهب الى اسواق الابل في المدن كاالرياض وغيره


او اذهب الاسواق التي في المزاينات اللون مغاتير

طبعأ الاسعار تكون وسط واريد راي الطيبين من العرب وهم اعضاء منتدى مزاين


الذين هم علم في الراي والمشوره بارك الله فيهم اخوكم فهد العتيبي
محمد بن شريه المطيري
09 / 09 / 2007, 12 : 09 AM
وعليكم السلام
يا هلا ومرحبا فيك يا فهد

بالنسبه للمشتري هذي تياسير من الله
وعليك التعب على الطيب الرخيص الي انت تبيه
المزاينات جايه بالطريق والاسواق شغاله بكل وقت والله يوفقك
تقدر اتروح الاسواق او عند ملاك الابل في مراحهم والموضوع يبيله شويه تعب لكي تحصل الي تبيه
وانصحك بالصبر وعدم الأستعجال بالمشتري يمكن تلقا الاسعار تختلف من مكان لي أخر

والله يوفقك
سلطان المطيري
09 / 09 / 2007, 15 : 10 AM
اضم صوتي للاخ ابو مشاري
محمد علي الهدفه
09 / 09 / 2007, 25 : 11 AM
ارحب يافهد

ياالله حيه اضم صوتي المن سبقني ابن شريه

واضيف ان اسواق المزاينات تكون اغلا من اسواق المدن
يوسف العتيبي
09 / 09 / 2007, 02 : 02 PM
ارحب يافهد انا اضم صوتي مع اصوات اخواني ابن شريه ومحمد الهدفه وسلطان المطيري
وانا عندي شور انك تروح الى مراح البدو لان اذا جيتهم في مراحهم تكون اقيامهم طيبه
بعضهم لان بيقول بدال مااتعب واجلبها السوق ابيعها وانا مرتاح حتى لو انزلت عن قيمتها الى في السوق بيبيعك
وبعضهم غلاوي بس تراك بتتعب لين الدورلك الزين والزين يبيله تعب
وانشالله تلقا مرادك وبيض الله وجهك يابو مثقاب
فرحان البهدل
09 / 09 / 2007, 35 : 08 PM
ارحب يافهد انا اضم صوتي مع اصوات اخواني ابن شريه ومحمد الهدفه وسلطان المطيري
وانا عندي شور انك تروح الى مراح البدو لان اذا جيتهم في مراحهم تكون اقيامهم طيبه
بعضهم لان بيقول بدال مااتعب واجلبها السوق ابيعها وانا مرتاح حتى لو انزلت عن قيمتها الى في السوق بيبيعك
وبعضهم غلاوي بس تراك بتتعب لين الدورلك الزين والزين يبيله تعب
وانشالله تلقا مرادك وبيض الله وجهك يابو مثقاب
والله ياخوي يوسف ولايهونون الاخوان انا اشوف ان البدو اذا جيتهم تبي تشتري طيروا السعر واذا جاهم سوداني كسر حلالهم وطاح من حدهم عليك النص .... والدنيا ارزاق .. انا اشوف ان اسواق المدن افضل في المشترى ...
بالتوفيق ...
عيد العنزي
09 / 09 / 2007, 34 : 10 PM
مساك الله بالخير
روح لعدت اسواق اذا تقدر على ذالك وتحصل انشاء الله اللى يلوق لك لا اناس تنزل حلالها للسوق تبيع ولا كل سوق نفس السوق الثاني اذا بدور لك شين واجد ...

تحياتي ...
حاتم العماري
10 / 09 / 2007, 47 : 08 AM
أسواق المدن أسهل وأرخص
ولاتستعجل
فهد مثقاب العتيبي
10 / 09 / 2007, 42 : 05 PM
بسم الله الرحمن الرحيم


السلام عليكم ورحمة الله وبركاته

الاخوه الذين قاموا بالرد لكم الشكر وبيض الله وجيهكم









اخوكم فهد العتيبي
راشد العرق
11 / 09 / 2007, 29 : 11 AM
اذا انت تدور للزين
فعليك بالمزاينات وتلقا فيها الغالي جدا وتلقا المناسب
واذا ماكانت اقيامهم مناسبه شف اقرب سوق منهم بعد المزاين ويجونك اكثرهم فيه
سلمان العتيبي
21 / 09 / 2007, 01 : 07 AM
والله ياخي هذي حظوظ يمكن تشتري من المراح ناقه غاليه يمكن بمئه ألف وهي اذا وصلت السوق

يمكن تقف عند 60 ولا 50

لكن انا اشوف ان السوق افضل لان الزين مكشوف واعطاء السلعه حقهااا

لأن بيعه المراح يبيلها واحد فطين وعنده نظر

هذي وجهه نظري