البعير يبرك و يقوم عادي لكن ما يظرب !!!

[سعد الشمري]

السلام عليكم

عندي بعير توني شاريه البعير فيه ظلع لكن بروكه و قومته مافيها الا العافيه .. وشكل مشكلته بفقاره لاني كلمت راعيه الاول ويقول اظرب العام ثلاث و لا اظربهن الا بعد ما قفل البعير .. ما ادري هل مر عليكم مثل هالمرض وهل له علاج ؟؟؟؟

للعلم ان ممشاه شوي ردي لانه يفوحش برجوله

ان شاء الله بصور ممشاه بكره و انزله لكم

[مسعود العماري]

وعليكم السلام ورحمة الله وبركاته

هل البعير سمين حالياً؟

وش سنه ؟

هل فيه ذيبة ؟

[سعد الشمري]

البعير له ظهر و سمين و تشوف صحته متعافي .. سن البعير تقريبا اكبر بناته ثنيه .

وسليم من الذيبه و قلب العصب .. مشكلته تقريبا فوق في اخر الظهر او ممسك الوروك من فوق لان لها صوت اذا مشى طقطقه العير بكل خطوه يفر رجله على شكل نص دايره تقريبا

[بندر الرويلي]

البعير له ظهر و سمين و تشوف صحته متعافي .. سن البعير تقريبا اكبر بناته ثنيه .

وسليم من الذيبه و قلب العصب .. مشكلته تقريبا فوق في اخر الظهر او ممسك الوروك من فوق لان لها صوت اذا مشى طقطقه العير بكل خطوه يفر رجله على شكل نص دايره تقريبا

هلا يا سعد اجل هذي علته شفلك طبيب شعبي يكوي واذا الأخوان عندهم معرفه بمكان الكي بيفدونك

[سعد الشمري]

وش علته حسب رايك ومعرفتك يالرويلي

وهو تقريبا ماله الا الكي لكن وين

[سيف سليم القحطاني]

السلام عليكم
الله العالم ان بعيرك فيه صبه

كيها مشط على فخذه من فوق على المفصل من الشنق اللي يوجعه
وان شاء الله يسلم .
ولاتضرب عليه الا اذا قفل .

[مرضي عيد]

جملك مسحوب بسياره

[مساعد بن سعود المطيري]

سعد فحلك بلاه في عراقيبه
لتحر الجو تراه بيضرب ودورخ الناقه الضعيف والمبرك الدكاك