حل يزين وبرة الابل

[بدر نآصر]

السلام عليكم ورحمة الله وبركاته

تحيه طيبه لكم اعضاء هذا المنتدى

عندي سؤال وابي افاده الله لا يحرمكم الاجر

ابي شي يزين وبرة الابل بشكل ملحوض في هذا الوقت

سواء كان من تغسيل او علاج بدو او فيتامينات

الله يجزاكم خير ويرزقكم

[بندر بن معيض المطيري]

عليكم السلام ورحمه الله وبركاته

ابره الجرب وفيه فيتامينات للشعره وعامه عند البيطري

وتغسيلها حاول يكون الغسيل بالضحى

تجليلها

والبرسيم عنصر اساسي في شعره الناقه

باتوفيق

[مسفر محمد الحارثي]

وعليكم السلام ورحمة الله وبركاتة

بالنسبة لتجربتي امسح الابل بزيت زيتون ولا زيت الطعام واذا فيها فطريات ضف ملح على الزيت وبعد ما ياخذ الزيت يومين اغسلها بجرة ولا كبريت والحمد الله وبرة الابل ماشاء الله تمام التمام كرر العملية كل اسبوع ولا اسبوعين وبتشوف الفرق ان شاء الله ولو تغسلها بماطور الرش يكون افضل لاني استخدمة وماشاء الله

[بدر نآصر]

الله يبيض وجيهكم ويجزاكم خير

واتمنى من لديه خبره او تجربه مايقصر

ويعطينا علومه

لاهنتو