الضراب على عشار يأثر على عشارها

[جعفر العتيبي]

السلام عليكم ورحمة الله وبركاته اليوم قربت الناقه عند الفحل شاولت ورفعت راسه عشر ثواني ثم وانحاشت والفحل مربوط مع العلم اني مضربها قبل 15 يوم وكانت ترغي يوم اضربناها واما اليوم مسكناها وعقلنا وفكينا الفحل عليها وقامت ترغي ويوم قام بعد ماخلص حصلت الله يكرمكم دم بسيط طالع من رحمها زي الغراء معه مويه بيضاء مكان الضراب هل هي كانت معشر واذا كانت معشر يضر ضراب اليوم علي عشارها وشكرا لكم*******

[عبدالرحمن التركي]

لا اعتقد وسبق ان ضربنا على عشار ولا صار الا الخير
وهناك مثل شائع يقول ( ان لقحت والا ما ضرها الجمل )
وبانتظار آراء الاخوان

[جعفر العتيبي]

الله يعطيك العافيه أخ عبدالرحمن

[جعفر العتيبي]

أخ عبدالرحمن بيض الله وجهك على المعلومه *******ولكن اليوم دقيت على طبيب بيطري وقال الضراب على عشار تكسر الناقه يقول هذي معلومه في الطب لكن ودنا نشوف رد بقيت الأخوه الذين حصل معه نفس الحاله وشكرا

[هايف العتيبي]

مايضر ان شاء الله

[طلال الروقي]

المكاتيب والمقادير ما عنها مفر وانا اخوووووك
كله بعلم الله وتدبيره
العام الماضي البعير أضرب عندي لقحة لها 5 شهور
أضربها ثلاث مرات ولا جاها شي ، الحمد لله
وناقة ثانية معشر أضربها بعير جاري ولا جاها شي

[حاتم العماري]

أول شي اخوي جعفر ... ناقتك ماكانت معشر
شاولت ورفعت راسه عشر ثواني ثم وانحاشت
هاذي طريقة الناقه اللي تشاول وهي حايل
الدم اللي شفته طبيعي وهو دليل على انكم عسرتوا الناقه واضربتوها وهي ماهي مجسر خاصة انك تقول كانت ترغي وقت الضراب
انصح بعدم عقل الناقه للبعير نهائيا وخل البعير على يده ان اضربها ولا اتركها ايام واعرضها

** احيانا يضرب الفحل على العشار ومايضر لكنها حالات نادره
والله اعلم
تقبل تحياتي

[احمد الحربي]

الضراب على عشار مايضر هذا اللي اعرفه
والبعير ادرى بها .,,, بس ليتك ماعقلتها

الله يوفقك

[شافي العبنق]

مايضارها باذن الله