كم سؤال لاهل البل؟

[منصور بن محروت الوائلي]

بسم الله الرحمن الرحيم

بسم الله الرحمن الرحيم

انا عندي كم سؤال ادري انها اسئلة يمكن تكون تافهه لكن تحملوني

الأول : ما يضر اذا عطيت الناقه تمر بفصمه يعني بالحب اللي داخله ؟

لثاني : ما يضر اذا عطيت البل الخضرة والفاكه القديمة؟

الثالث : عندي ناقتين الاحظ احيانا ان مفاصلها تطقطق وهي تمشي واذا
كانت باركة وقامت اسمع طقطقه, يبيلهن علاج والا ما يحتاج؟


آسف على الاطالة لكن العذر والسموحة وارجو منكم محد يدخل وما يرد


وجزاكم الله خير

[يوسف العتيبي]

السلام عليكم ابي اجاوبك على السؤال الاول عادي تاكله البل
اما الثاني الخضره بس يعني من الاوراق الخس وغيرها من الورق
اما الفواكه اذاكلته البل تذرق تكرمون يالقراء تشوف بطنها دايم يهر عليها
اما الثالث فانا اشوف ان الصوت الطقطقه عادي لاني عندي نياق مثلها وهذا الاقدر افيدك فيه يابن محروت وبيض الله وجهك على الاسئله

[منصور بن محروت الوائلي]

الله يبارك لك بحلالك قل آمين

وبيضت الوجه يالعتيبي

وجزاك الله خير

[محمد علي الهدفه]

الله يعطيك العافيه يابن محروت


ولازياده على ماقاله يوسف

[يوسف العتيبي]

ماقمنا الى بالواجب يابن محروت انتم اخواني
واذا ماافيد اخواني من افيد وبيض الله وجهك على الدعوه الزينه ولاهنت يابوعلي

[عيد العنزي]

مساك الله بالخير
انت مربي ابل كيف تبي تعطيهم خضار وفواكه قديمه اما انك تربيهم بالشكل الصحيح والا اتركها لهلها ..
واما اذا مشت او بركت تسمع لها طقطقه للعظام فهذا الحلل على ماعتقد ولا له علاج واما التمر مع النواه فيها ترمي النواه واذا اكلنها ما تضرها بس كثرته تراها ميه زينه للابل ....

تحياتي

[منصور بن محروت الوائلي]

محمد بيض الله وجهك وشكرا على ردك
يوسف سلمت وشكرا لك
عيد هللا بك

[منصور بن محروت الوائلي]

اشكراكم اخواني جمييعا وما قصرتو

واتمنى اسمع آراء الاعضاء

شكرا لكم