بالله اخذو اجرها م

[مشعل الزيادي]

السلام عليكم ورحمة الله وبركاته.
امابعد ابي فزعتكم ياربع عندي ناقه عشراء طيبه تحته بكره لها تقريبا شهر وجسمها كل يوم ينزل وزنه حتى اصبحت هزيله مره واكلها وسط والايام ذي ماتقوم ال بمساعده واذا انسدحت على جنبها لازم نقعدهاوراحت عظم وجلد وهي غاليه عند الوالد مع العلم عطيتها خلطة اخوناةاللي ذكرها وهي اربع بيالات حلب ورابع بيالات رشاد لاكون دون فايده

[طلال الروقي]

وعليكم السلام ورحمة الله
حيااااااااااك يا مشعل
الخلفة مابها ان الله اشاء الا العافية
فتش فمها أمكن ابها هدب ولا يخليها تاكل

وماتشوف شر انت والوالد في حلالكم

[سعود كحيلان]

اخوي مشعل طلال صادق

فتش فمها يمكن فيها حمام ويسمونه الهدب

في بطن الفم من فوق اذا فيها قطع عنها وحط في فمها ملح

وعسى الله يبارك لكم في حلالكم

[مشعل الزيادي]

وعليكم السلام ورحمة الله
حيااااااااااك يا مشعل
الخلفة مابها ان الله اشاء الا العافية
فتش فمها أمكن ابها هدب ولا يخليها تاكل

وماتشوف شر انت والوالد في حلالكم

هلا اخوي لا ماهو هدب الهدب يعرفه الوالد هو يمكن نوع من الهيام

[مشعل الزيادي]

اخوي مشعل طلال صادق

فتش فمها يمكن فيها حمام ويسمونه الهدب

في بطن الفم من فوق اذا فيها قطع عنها وحط في فمها ملح

وعسى الله يبارك لكم في حلالكم

لاماهو هدب الهدب معروف

[بدر العضيلة]

السلام عليكم ورحمة الله وبركاته.
امابعد ابي فزعتكم ياربع عندي ناقه عشراء طيبه تحته بكره لها تقريبا شهر وجسمها كل يوم ينزل وزنه حتى اصبحت هزيله مره واكلها وسط والايام ذي ماتقوم ال بمساعده واذا انسدحت على جنبها لازم نقعدهاوراحت عظم وجلد وهي غاليه عند الوالد مع العلم عطيتها خلطة اخوناةاللي ذكرها وهي اربع بيالات حلب ورابع بيالات رشاد لاكون دون فايده


سلام عليكم ورحمة الله وبركاته
يا مشعل من واقع تجربه الناقة اذا كانت تاكل الدمن تكرم
ناقتك مسكر الدود فتحت الكرش
ومن الضرورى تعطيها ملح
حتى لو تصبه في فمها صب الحق على ناقتك وكثر الملح مايضرها ابد بلعكس بينفعها بذن الله
هذا ولله اعلم اي مساعده رقمى عندك اتصل وحنا بلخدمه

[مشعل الزيادي]

تسلم يابوصقر ولاهنت انشالله راح اجرب الطريقه وانشالله تنفع لاهنت

[احمد محمد سلمان]

السلام عليكم

شف دمن الناقه يمكن فيها الشوكه

والشوكه مالها الا الكي

[مشعل الزيادي]

لايابو محمد دمنها سليم

[خالد علي]

اسحب دم وده المختبر اناقه عندها مشكله فالكبد اخذ انتيجه ودها لدكتور و طلب منه اعلاج بلوريد ضرورى و اذا ما تعرف تحقن بالوريد ضهر ادكتور معك و عطها علاج فقر دم و ابر فتامين و معادن و عطها مقدار بياله كركم و عشر بيض و شوي سكر يومى كل صبح لمدت اسبوع الى عشر ايام هذا العلاج الى سويته لناقتى فيها نفس الى ذكرت و فكها الله و الحين بفضل الله اطيب البل

[مشعل الزيادي]

مشكور ياذيب

[حاتم العماري]

غرها (نص كيلو حلبه مطحونه+ ربع كيلو ثوم مطحون+ محلول حلتيت+ حبتين دود+ حبه سودا)
في لترين ماء
وعقبها نص لتر زيت سمسم
+ ابرة هيام
خلطه مجربه ومامنها الا الخير باذن الله

[مشعل الزيادي]

مشكور ياحاتم والله يعطيك الف عافيه

[ناصر بن جاسر]

مساء الخير يا مشعل

اضم صوتي لصوت حاتم واحتمال ناقتك ماكله كيس

[عبدالله الديحاني]

صباح الخير يامشعل
عطها ثوم في خبز لمدة اسبوع وان شالله تشوف الزود من تجربه

[مشعل الزيادي]

مساء الخير يا مشعل

اضم صوتي لصوت حاتم واحتمال ناقتك ماكله كيس
لاهنت ياذيب ومشكور ي غالي

[مشعل الزيادي]

صباح الخير يامشعل
عطها ثوم في خبز لمدة اسبوع وان شالله تشوف الزود من تجربه
لاهنت يابعدي

[مبارك بن محمد]

نفس ناقتك جتها القرحه بس تمينا نغرها لبن خلفات .. حتى يتقوى جسمها .. حاول ما تخليها تقطع الاكل بتاتا

خذ لك برسيم اخضر .. واضربه بخلاطه كهربائيه يا لين يصير مثل الشوربه وغرها ناقتك ولا تقطعه عنها يا لين ترد تشتهي الاكل

[مشعل الزيادي]

نفس ناقتك جتها القرحه بس تمينا نغرها لبن خلفات .. حتى يتقوى جسمها .. حاول ما تخليها تقطع الاكل بتاتا

خذ لك برسيم اخضر .. واضربه بخلاطه كهربائيه يا لين يصير مثل الشوربه وغرها ناقتك ولا تقطعه عنها يا لين ترد تشتهي الاكل

بارك الله فيك اخووووي

[أحمدالعشري]

الخيام عليك بالأبهر الفرنسيه

[مشعل الزيادي]

مشكور اخوي