الفحل اختلف حاله

[احمد عمران]

السلام عليكم ورحمة الله وبركاتة
عندي فحل شاريه نهاية الربيع العام لقحت منه بكرة طرحها وعرضها
جاري جاب ابلة في رمضان في الصيف وعرض ثلاث نياق والبعير بطنه كبيرة
الان الفحل هايج لاكن مايعرض العشاير مع العلم انهن مياسير اعقل له الناقة وتبرك ولا يعرضها
له على الحال شهر
الجمل مربوط افكه العصر وسط البل والمغرب اربطه مكانه
وش الحل بارك الله فيكم

[مسفر محمد الحارثي]

حسب الي اعرفه دام بطنه كبير ان يسبب له صعوبه فلذلك انصحك انك تضمره حيث انك تقلل عليه الماء وتسقيه يوم بعد يوم وبكميات غير كبيره وتقلل عليه البرسيم حيث انك تعطيه الصباح شعير ولا تكثر بدون برسيم والعصر تعطيه برسيم
وكل صبحيه ترش عجزه بمويه بارده حيث ان الماء البارد يزيد من هيجانه انا جربت الطريقة في فحل عندي وماشاء الله صغر بطن البعير وهاج وعشرت عندي ابل عليه وأسأل الله ان يبارك لك فيه ويرزقك الانتاج الطيب النادر
وبتجيك ان شاء حلول من بعدي ومنهم اعرف مني والمعذره على التقصير

[مشعل التميمي]

للتوضيح

الرجال يقول بطنه كبير فرمضان
والحين يقول هايج

[احمد الحربي]

الخوف ان البعير ظره ضراب الصيف

نصيحتي لك اربطه وصط البل
وشوف الناقه اللي يبيها الفحل واعقلها له وفكه عليها


الله يوفقك ياخوووي وييسر امرك

[احمد عمران]

بارك الله فيكم
نعم الجمل هايج وضمر

[مشعل الشويش]

الموضوع مكانه العيـاده ,
حيث أنها انسب لمثل هذه المواضيـع ,
لذا استبيحك عذراً في نقلـه للقسم المختص ,

[عبدالواحد القحطاني]

اغلب الفحول نفس مشكلتك

[سعد بن سعود]

السلام عليكم
عندي البعير ما بعد هاج وبطنة يبيلة شي بسيط ويضمر لاكن اذا شاف نياق وهو يسرح يروح لهم يبي يضرب والي في الشبك ابلي مايضربهم