نصايح للمبتدئين بالبل واهلها

[فلاح العقيلي]

من خلا الممارسة والمعايشة للبل واهلها

وجدت أن فيه نقاط لابد من أن يراجعها صاحب البل والمتضررين مادياً

هي الصبر على بعض الحلال لين انه يزيد الخسابر
خاصة في زمن غلاء الأعلاف

أعتقد بيع بعض البل والانتاج واستبدالها بناقة طيبة او حوارة فاخرة

يكون أفضل للمربي مستقبلاً

أيضا مسك القعدان تقول قصاب وهو ياكل العلف سنين ثم يروح بنصف قيمة الأعلاف

أيضا الصبر على الراعي غير المصلاح
اللي مايدري عن الضمرة ولا البدنة وكل يوم مضيع ناقة سفره جعله مايرد:mwalat6:




وبالتوفيق

[طلال الروقي]

سلمت يافلاااااااااح على النصايح

[مشعل الشويش]

سلمت يالعقيلي ,
نصايح طيبـه والمثل يقول آخذ بشفّه ربحان , وللناس فيما يعشقون مذاهـب ,
ماقصرت ,
ننصح المبتدين بالابل اللي ينوون المشترى , عدم الاستعجال والانتباه من اصحاب الاسواق اللي معظمهم محترف نصب واحتيال
نسأل الله العافيـه ,
كذلك الاستشاره والاستخاره لابد على المشتري من هالامريـن ,
نسأل الله التوفيق للجميـع ,

[عادل الضويحي]

عشت على النصايح

[بندر الرويلي]

يعطيك العافيه ومعلومات يستفيد منها المبتدئين بالبل
واحب اضيف بانه عليكم بالشبب والمعمق وبالمقنوي ( الموجهه بالزين ) وفوق
وابعد عن الحايل والفاطر والمريض حتى لو غرك سعرها
خمس نياق طيبه ومنتجه خير من خمسين ناقه عاديه و انتاجها قصب
من المهم انك تشوف الناقه قبل لا تشريها ثلاث مرات لأن في كل مره سيتضح لك شي لم تكن تراه سواء كان ايجابي او سلبي

[فيصل العنزي]

يعطيك العافيه ومعلومات الطيبه

[راشد الكدادي]

يعطيك العافيه ومعلومات يستفيد منها المبتدئين بالبل
واحب اضيف بانه عليكم بالشبب والمعمق وبالمقنوي ( الموجهه بالزين ) وفوق
وابعد عن الحايل والفاطر والمريض حتى لو غرك سعرها
خمس نياق طيبه ومنتجه خير من خمسين ناقه عاديه و انتاجها قصب
من المهم انك تشوف الناقه قبل لا تشريها ثلاث مرات لأن في كل مره سيتضح لك شي لم تكن تراه سواء كان ايجابي او سلبي
لاهنت يافلاح على النصيحه..وأنا مع بندر في كل ماقاله..

[عزيزالحميدي]

نصايح الخوة جديرة بالاهتمام



وازيد

إياك ثم إياك واللقحة الضعيف


والناقة اللي أمهاتها عمق وأصل طيب نتجها لو هي دون ترى فيها بركة



ويالله الخيرة

[نواف بن عبدالعزيز]

انا أقول :ـ
1:ـ لاتشتري الفاطر والحايل والمريضة ولو أغراك السعر
2:ـ لا تثق الا بمن يستحق الثقة وأهلا لها
3:ـ لا تستعجل في الشراء واشترط عند الشراء أن تكون سالمة من العيوب مثل الهيام والهزاز وبقية العيوب
وسلامتكم