ماهي علامات الذيبه في البعير

[صالح العوفي]

اخواني الكرام عندي بعير شاك ان فيه ذيبه اذا جاء يبرك على الناقه يضع زوره على غارب الناقه ويتردد في البروك وبعض الاحيان يضل قائم على الناقه ويترك الناقه وبعض الاحيان يضرب طبيعي لكن اذا طول عن الضراب علما انه هائج وقد استفسرة عن حالته بعض الناس يقول ذيبه وبعضهم يقول عنده ضعف في الضراب وحينما سالت عن العلامات التي يعرف بها بعير الذيبه منهم من يقول الذيبه تصيب البعير في العصب الخلفي وبعضهم يقول تصيب العصب الامامي علمان ان هذا البعير اذا برك على الارض يبرك طبيعي دون تعب ارجومن الاخوان من عنده خبره لايبخل علينا
وفق الله الجميع

[عبد المحسن الحصين التميمي]

وش سنه البعير

وهل هو الي يبرك الناقه ولا انتم تبركوله تعقلونها

[صالح العوفي]

وش سنه البعير

وهل هو الي يبرك الناقه ولا انتم تبركوله تعقلونها
هلا اخو عبد المحسن
البعير توه شاق
اطلقه مع النوق في الشبكه واذا شفته طارد في الناقه اعرف انها ميسر بعده اعقل له الناقه وهو يطرحه

[عبد المحسن الحصين التميمي]

اخوي صالح اذا البعير نشيط ويطرح الناقه وذا بغى يبرك يتردد و ترتعش سيقانه وده يبرك بس مايقدر واذا برك اموره طبيعيه

هذي الذيبه الله يبعدك ويبعدنا عنها

وفيه معلومة البعير او الناقه الي فيها الذيه تشين صحتها و داأما تكون اخر البل وثقيله في مشيتها

[صالح العوفي]

اخوي صالح اذا البعير نشيط ويطرح الناقه وذا بغى يبرك يتردد و ترتعش سيقانه وده يبرك بس مايقدر واذا برك اموره طبيعيه

هذي الذيبه الله يبعدك ويبعدنا عنها

وفيه معلومة البعير او الناقه الي فيها الذيه تشين صحتها و داأما تكون اخر البل وثقيله في مشيتها

البعير اذا برك ما يرتعش لكن اذا برك على الناقه يبرك على ظهرها ويتردد

[محمد الوهبي التميمي]

طبيعي ياصالح والمساائله طبع بالبعير
بعارين واجد تبرك بالزور والسبب يعود للارضيه وصلباها اويعود للبدايات والتعلم
لابد من اختيار الأرض الدماث
بنسبه لبعيرك لا ارء فيه ذيبه عل الوصف
تقبل فائق التحايا والاحترام

[صالح العوفي]

طبيعي ياصالح والمساائله طبع بالبعير
بعارين واجد تبرك بالزور والسبب يعود للارضيه وصلباها اويعود للبدايات والتعلم
لابد من اختيار الأرض الدماث
بنسبه لبعيرك لا ارء فيه ذيبه عل الوصف
تقبل فائق التحايا والاحترام

هلا اخوي محمد
اشكرك على حضورك احسنت
بارك الله فيك ونفع بك

[شافي العبنق]

اخوانى عندى بعير عنده نفس المشكله بالاضافه اسمع طقطقه فى الظهر عندما يبرك على الناقه

[احمد الحربي]

لابغى يضرب البعير دووورله الارض اللينه
التردد اللي فالبعير قبل الضراب هذي من قساوة الارض
تااالمه فعراقيبه

[حسن بن شافي]

انشاء الله مافيه ذيبه على حسب الوصف

[حاتم العماري]

بعيرك مافيه ذيبه
مشكلته ماتعلم البروك على الناقه زين
وبعض الفحول يتعدل اذا عصب
تقبل تحياتي

[ذياب بن غانم]

العلم عند الله ان البعير فيه فضخ البعير اذا مافيه رعشه ويترد في الناقه يمكن مفضوخ البعير فيه ضمور

[صالح العوفي]

العلم عند الله ان البعير فيه فضخ البعير اذا مافيه رعشه ويترد في الناقه يمكن مفضوخ البعير فيه ضمور
البعير يبرك نصف بركه ويترك الناقه
ماهي اعراض الفضخ اخوي ذياب انا شاك فيه
وكيف تعرف الفضح البعير له عشرين يوم ما ضرب

[ذياب بن غانم]

اخوي صالح انا اقولك ان البعير اشك تسعين في الميه فيه فضخ مفضوخ العلم اللي انت جبته عن البعير هذا من اعراضه انا اقولك اكو البعير حول السر اربع مطارق واخير مطرق جره للخلف صوب الخيف واحم البعير اقل شي شهرمن الضراب ورش افليت ازرق عشان يطيب في اسرع وقت واعط البعير سلنيوم بودر لقم

[صالح العوفي]

اخوي صالح انا اقولك ان البعير اشك تسعين في الميه فيه فضخ مفضوخ العلم اللي انت جبته عن البعير هذا من اعراضه انا اقولك اكو البعير حول السر اربع مطارق واخير مطرق جره للخلف صوب الخيف واحم البعير اقل شي شهرمن الضراب ورش افليت ازرق عشان يطيب في اسرع وقت واعط البعير سلنيوم بودر لقم
ان شاءالله سوف اعمل بهذه الطريقه
بارك الله فيك اخوي ذياب على هذه المعلومات القيمه
نفع الله بك واحسن اليك

[ماجد ال سالم]

هلا اخوي صالح العوفي للاسف البعير فيه ذيبه وتمنى كلامي غير صحيح بس
العلامات الي تقولها كلها علامة الذيبه وجرب الابر ونشاء الله تخف
الله يفك على حلالك وحلال المسلمين من الامراض

[جدعان الجدعان]

السلام عليكم ورحمة الله
اخوي بعيرك ما فيه الا العافيه وطبيعي 1 الارض 2 يبي ناقه ثانيه 3 تعليمه
والفضخ بين والذيبه بينه دام البعير ما يرتعش وبطنه زين
ومهب شرط البعير ضامر يعني هايج التضمير من الراعي والهياج فالبعير يعني انت تضمر بعيرك استعداد للموسم والبعير يهيج بفطرته وغريزته
هذا والله اعلم وتقبل تحياتي