تكفون ابي فزعتكم

[محمد سعود العتيبي]

السلام عليكم ورحمت الله وبركاته

ياربع ابي فزعتكم انا عندي ضرايب وبسوقها على بعير طيب

وابي اسوي الي اقدر عليه عشان تعاشر البل على البعير ذا

واش اعطي البل من طعام عشان يساعدها على القاح

لان البعير عليه سرا ولا ابي اضرب على الفاضي

تكفون ابي فزعتكم

[صالح العوفي]

هلا اخوي محمد
اولا اللقاح حض ونصيب ممكن تسوق حلالك لهذا البيعير ولم يكتب اليك منه شيء كل ذلك بقدر الله سبحانه
لكن هذا لايمنع من اخذ الاسباب والجد والاجتهاد
اخي عليك بالبرسم والشعير والذره هذه افضل الاعلاف الموجوده
لكن قبل كل شيء يجب عليك اذا كانت الناقه ترضع امنع عنها الرضاعه حتي يجف الضرع
ثم بعد ذلك اعرضها على الفحل
وفقك الله

[محمد سعود العتيبي]

هلا اخوي محمد
اولا اللقاح حض ونصيب ممكن تسوق حلالك لهذا البيعير ولم يكتب اليك منه شيء كل ذلك بقدر الله سبحانه
لكن هذا لايمنع من اخذ الاسباب والجد والاجتهاد
اخي عليك بالبرسم والشعير والذره هذه افضل الاعلاف الموجوده
لكن قبل كل شيء يجب عليك اذا كانت الناقه ترضع امنع عنها الرضاعه حتي يجف الضرع
ثم بعد ذلك اعرضها على الفحل
وفقك الله
بيض الله وجهك ياصالح والله يكثر من امثالك

ننتظر رأي الاخوان

[أحمد النبهان]

معلومات مهمه نستفيد منها ....
يعطيكم العافيه على الموضوع والتجاوب
والنصائح المفيده للجميع ...
وأن شاء الله يرزقك ربي يا صاحب الموضوع من واسع فضله
ولكل مسلم .....

[عبدالمحسن المقاطي]

البل طبيعي اتياسر مع البراد في هالوقت

اكرمها بالبرسيم

والله يوفقك ويرزقك ويرزقهم بالعشار

[محمد الوهبي التميمي]

مرحبا بالجميع
توجيه الاخوان صائب ولاكن لي اضافه
تفتيش العشاير والضرايب بشكل عام والتاكد من خلوها من الصيد حتى لايضيع التعب
والجميع يعلم ان الصيد يعيق عمليات اللقاح وسبب رئيسي في تكاسر الابل بعد شهر او شهرين والسبب يعود فالغالب لوجود الصيد
وفي الاواني الاخيره نراء الصيد صار يجي فالبكار اللقايا او الجذعات وتعود الاسباب الى الطعام
فالتاكد مطلوب خصوصاً ان البعير بعيد عنك
تقبل فائق التحايا والاحترام

[منصور العدواني]

مرحبا بالجميع
توجيه الاخوان صائب ولاكن لي اضافه
تفتيش العشاير والضرايب بشكل عام والتاكد من خلوها من الصيد حتى لايضيع التعب
والجميع يعلم ان الصيد يعيق عمليات اللقاح وسبب رئيسي في تكاسر الابل بعد شهر او شهرين والسبب يعود فالغالب لوجود الصيد
وفي الاواني الاخيره نراء الصيد صار يجي فالبكار اللقايا او الجذعات وتعود الاسباب الى الطعام
فالتاكد مطلوب خصوصاً ان البعير بعيد عنك
تقبل فائق التحايا والاحترام


كلام الاخوان مابه قصور ورد التميمي خذه في الاعتبار خصوصا ان الفحل عليه زحمة ظراب

اذا كنت في الطائف ممكن ادلك على رشيدي طبيب شعبي باخص في ها الامور ومجرب

[محمد سعود العتيبي]

بيض الله وجيهكم جميعا

واشهد انكم فزعتو وكفيتو ووفيتو