الفزعه حقه عمياء

[سعيد ال سفران]

بسم الله الرحمن الرحيم
السلام عليكم ورحمة الله وبركاته
اخواني الاعضاء عندي حقه عمياء صار لها شهرين
عالجتها بفتامين الف دال وفتامين بي ون وبي كمبلكس
ومرهم للعين وكويتها كي الضوء والبكره تفتر في مكانها كنها تدور على دوار
وتاكل وتشرب ولا تشوف وعجزت فيها الي قد صار عنده نفس الشي او يعرف شي من العلاج يفزع لي

[محمد الوهبي التميمي]

الله يشفي ناقتك ياسعيد وماتشوف شر
السوال الله يطول بعمرك
العين لاحقها بياض؟
ولي عوده للموضوع

[سعيد ال سفران]

الله يشفي ناقتك ياسعيد وماتشوف شر
السوال الله يطول بعمرك
العين لاحقها بياض؟
ولي عوده للموضوع
مرحباء بك
العين فبها مثل الغبره
وتدمع

[سعد البطي]

ماء معا ملح على العين يساعد باذن الله

[فيصل الرويس]

الله يحييك يالغالي العما منتشر هالايام فى الحلال وافضل حل تكويها علي راس ذيلها تقص الشعر اللي علي راس الذيل وتكويها عرض وانجح الكيه بتشوف باذن الله بعد اسبوع من كويها مالقوله علاج الا بهالطريقه وتقبل مروري

[هادي العاوي]

ابو محمد استخدم هذا المرهم مرتين باليوم وبأمرالله خلال ايام يزول تدريجي


MAXITROL OINTMENT هذا دواء تلقاه بالعياده البشريه

[صالح العوفي]

اخوي سعد
انا صار عندي بياض العيون في الفحل وحاشي
وهذا يسمى الظفاره او الطرفه وهو داء اسبابه اما ان يكون نقص فيتامين او نتيجة تراكم الغبار في العين
وهذا علاج بسيط باذن الله اذا تم تداركته قبل فوات اونه وهو عباره عن مرهم ابيض عند البيطري وكيه تحت العين مع كسرها من الانف اي تدخل الاصبع في الانف حتي يخرج الدم
شفى لك الله حلالك

[سعيد ال سفران]

بيض الله وجيهكم على الردود الطيبه
بس حد منكم مطيته تفتر في مكانها

[بندر الرويلي]

اذا فيه بياض على العين جرب معاها الماء والسكر وان شاء الله ماعليها خلاف

[سعود سليمان الحربي]

كل عام وأنتم بألف خير الله يتقبل منا ومنكم صالح الأعمال
أخي سعيد أن شاء الله الأمر سهل والعلم عند الله
هذا خشام يكسر لين يدمي وأن شاء الله تطيب

[منصور العدواني]

تفتر ورقبتها راجعه للخلف فهذا مرض الطير وله علاج (الكولبرال )20سم من الحقه وفوق وريد اوعضل ويفضل وريد مفعوله سريع

اما العين ان كان عليها غباش فنصيحتي لك لاتكويها نهائي
فيه علاج نزلته قبل مده هنا جربته بنفسي ومفعوله 100%

ادخل على هذا الرابط ونصيحه لوجه الله تعالى لاتجرب الا هذا العلاج خذ 2سم بالابره وشيل شوكة الابره وصب العلاج في عين البكره 3 مرات في اليوم لمدة 3 ايام وباذن الله راح تطيب بكرتك وتشوف
http://www.mzayan.com/vb/showpost.php?p=571040&postcount=4

ولا تنسى ابرة الطير مهمه جدا وهي عبارة عن فتامين

[عبد المحسن الحصين التميمي]

الحل في خشم الناقه

اكيد فيه دمل ضاغط على عروق العين ويتسبب هذا في بياض في العين اللحق عليها قبل ماتودع الناقه عينها

[جدعان الجدعان]

السلام عليكم ورحمة الله
اخوي عليك بالجت الاخضر الطازج ومع المرهم اللي ذكروه الاخوان
وبتحسن بأذن الله ترا الجت البرسيم النباتات الخضره الطازجه مفيده للنظر
هذا والله اعلم
وتقبل تحياتي

[علي العلى الشمرى]

السلام عليكم ورحمه الله وبركاته


اسعد الله صباحكم بكل خير


اخوى سعيد انا صار معى نفس الشى مع ناقه كبيره ماهى حقه ما تشوف وحيان تضرب

الشبك بذات ما تشوفهولا ركضت كن رجولها من ورا متخلفه ولا هى متزنه وكنها تبى

تطيح وتفتر مكانها احيان لين تطيح ورافعه راسها وتنعزل عن الابل احيان كنها خايفه





قالو لى هذا مرض الطير وعلاجه اما كوى ولا ابره عند البيطرى اسمها corebral فيها فتامين B1 وفيها فتامين B6

ونصحنى الصيدلى ان اعطى الناقه الجرعه مره واحده لناقه وبعدها بيومين جرعه ثانيه فى العضل ولا اقرب من الخواريم ومشيت على نصحيه

البطيرى لنى جاعل الكى اخر حل بعد التطور الموجود فى عالم البيطره والحمد لله الحين

حالتها احسن من اول ولا عاد تدور ولا تجفل من الابل وتسرح وتجى عادى مافيه شى ولله الحمد



ملاحضه:-
اخلى الناقه فى الليل خارج الشبك عن الابل وحط لها برسيمها وخليها ما ادخلها عند الابل لا تضرها ولا تضرب الشبك


والله يشفى بكرتك ويرزقك الانتاج الطيب منها ويوفق الجميع

[عبدالله الاسعدي]

اخوي هذي ظفارة
كانها تدمع والعين كن فيها وضاح خفيف
اكسر اللي بخشمها بعود شبر ونص
واذا تبي الطريقه علمن