فزعتكم ياهل البل تكفون!!!

[فارس اليامي]

السلام عليكم ورحمه الله وبركاته

يالربع عندي ابلي كل اسبوع تصعد ناقه
اول ناقه في 7 شهور
والثانيه في 6 شهور
والثالثة امس في 10 شهور

ولا عرفت ويش السبب علما ان اكلها زين
ومرتب شوار+ شعير+ قصب(ذره)
وحيضانها نظاف ومكانها في البر مكان نظيف
واللقاح عندي حول20 وعلي ركاب طيبه
وخايف عليها
علما اني كلمت بيطري ويقول احتمال تكون حمي مالطيه ويش علاجها والحل
ولاني

[عايض غيث]

الاخ فارس قال لك البيطري احتمال حمى طيب يمكن يكون هيام تاكد من المرض بعدين دورالعلاج والله يشفيها

[سعد حمود العوني]

قصب الذره كد سمعت انه يسبب صعاد
مع العلم اني كد علفته ولاشفت منه شي

[فارس اليامي]

مرحباً اخوي عايض البل كل 6 اشهر أعطيها ابر هيام هنديه او فرنسيه كوقايه وعلاج
بنفس الوقت
واستبعده تماما وآخر مره طعمتها بشهر رمضان

هلا اخوي سعد لي تقريبا سبع سنوات علي القصب واول مره يمر
علي حالات إصعاد في ابلي خلال الفتره

يالربع ويش السواه واللي عنده حل يفيدنا او يدلنا علي علاج
المالطيه ان ثبت انها مالطيه لاني بسوي تحليل
عشوائي للبل
وسمعت انه لاقدر الله ان ماله علاج فقط له تحصين
والمرض يقال انه معدي !!!

[مانع الدوسري]

اسمع الله يرفع الوباء عنك وعنا والمسلمين اجمعين

مادام السبب غامض

افضل طريقه نقع الثوم والحلتيت في حياض الماء كمضادات حت

يتبين لك السبب

وحلل النياق اللي تصاعدن باسرع وقت

والله يشفي حلالك

[احمد الشهراني]

الله يسمعنا خير ويعوض عليك بابرك منها
افتك من الذره
وحللللللللللل

[محمد الوهبي التميمي]

التحليل المخبري هو الأهم الآن
والتوقعات هي العثرات
افحص الدم وتطلع لك جميع النتائج
وتأكد من مصادر الأعلاف والتخزين