الناقه لقحه وجرباء

[صقر القثامي]

سلام عليكم اعضاء منتدى مزاين عندي ناقه لقحه وجرباء وش الحل معها

[عبد الرحمن بن راشد]

الجرب يقضي على البعير لاطول فيه .... عالج الناقة بسرعة لاتصعد

العلاج الطبي لازم تستشير فيه متخصص مثل إبرة الجرب وباقي الأدوية مثل الحبوب والرش يمكن تأثر على الناقة اللقحة .


لكن جرب الطب الشعبي ... اغسلها بماء مدة ثلاث أيام ...ثم حك الجلد وادهنها بسمن بري بملح واحرص عليها لاتتمرغ ويروح السمن ماتشربه الجسم .

والله يعديها الشر ولايريك مكروه ..... وانتظر رأي باقي الأخوان والله يكتب الي فيه الخير والصلاح

[بندر الرويلي]

هلا ياصقر لا صار لها فوق اربع شهور من اللقاح عطها ابره جرب فرنسية حسب ارشادات البيطري وحاول تغسل مكان الجرب بماء وجره مخففه وتطلاه زيت محروق او مرهم كبريت وماعليها خلاف ان شاء الله

[مبارك السحيمي]

ابرة الجرب ماتضر وعليك بالغسيل بجره او فيري او زيت كل يومين وافركها زين ومع الوقت بتظبط

[سليمان بن فهد]

إبرة جرب باللحم لأنها أبرد من اللي تحت الجلدعن تجربه وماعليها خلاف بمشيئة الله

[محمد الوهبي التميمي]

تحت الجلد أو بالحم
لاضرر على اللقحات خصوصاً مابعد الشهور الأولى من اللقاح
تقبل مروري

[سعيد سالم الخاطري]

عليك بالسم لي يستعمل للقرود والفطريات دواء وعلاج فعال

[متعب ال محمد]

اظربها بابرة الجرب الزرقاء اللي في اللحم ماتضر للقحات اتا استخدمتها في معاشير لهن شهر وشهرين ولا امسرن لكن اللي تحت الجلد انحاااش منها هذي حاره وتكسر بالبل

[متعب ال محمد]

ولا اكسرن