وش رايكم باقعود عليان

[مشعل الزيادي]

وش رايكم باقعود ياربع هل يصلح فحل اللبل هو من سللة بعير مثقال ابن خريص المرشدي والقعود سنه حق وابي رايكم من جد ويمكن اعرضه للبيع
http://hh7.an3m1.com/Sep/an3m1.com_13496901531.jpg (http://hh7.an3m1.com/)

[محمد بن حمد القحطاني]

ما شاءالله تبارك الله

بس ياليت ترسل لنا مقطع فديوا يوضح شكل القعود اكثر كذلك الصوره ما عطتنا شكر الراس كامل

ومبدائيا ما شاءالله بس ياليت توافين بعض الصور او مقطع ولك تحيتي


اخوك / ابو حمد

[مشعل الزيادي]

هلا يابو حمد انشالله اوفيكم فيما بعد بس ابي رايكم بصوره مؤقتنا

[صالح بن حسن البقمي]

ارحب يامشعل
القعود فحل ماشاالله ع خشمه عرنونن طيب لاكن ذال من الخنبه
والله يبارك لك فيه

[سعد حمود العوني]

طيب ماعدا سنامه متقدم شوي
والصوره ذي صعب الحكم عليها

[يزيد العتيبي]

حياك الله اخوي مشعل

الصوره مهيب واضحه

[ثامر فايز]

ماششاءء الله عليه الزين عارض نفسه ماعليه من ردات وطيب الصوره
والقعود هذ ماتشاور فيه احد يعني على ماقيل هاد روحه والله يبارك لك فيه ويعديه عيون المقرد
هده ولا تمالي وانا اخوك

[مشعل الزيادي]

مشكورين جميعاا ع مروركم العطر واتمنى لكم التوفيق انشالله

[مبارك السحيمي]

القعود وجهه نادر والقعود طيب ما فيها كلام هده ولاتمالي

[محمدبن رشيد الحنتوشي]

ماششاءء الله عليه الزين عارض نفسه ماعليه من ردات وطيب الصوره
والقعود هذ ماتشاور فيه احد يعني على ماقيل هاد روحه والله يبارك لك فيه ويعديه عيون المقرد
هده ولا تمالي وانا اخوك
عطاك العلم ابوفايز وازيد عليه بالمفرع ومنبت الرقبه قليل شكله
وتصحيح الاسم / مصقال المرشدي

[خلف العايضي]

نحتاج صور اكثر

وياليت فديو والله يبارك لك

[مشعل الزيادي]

يعطيكم العافيه ماقصرتو

[مشعل الشويش]

مايصلح فحل ..































تبيعه ..؟؟!






ماشاء الله تبارك الله
القعود مبدئياً طيّب , واطيبه راسه , والفحل راس , لاانغرس الساس .
والله يبارك لك فيـه ,
ومن ناحية هالصوره ماتعطي حكم نهائياً ,
لكن واضح ان القعود ظهره عليه ملاحظه وضعف حاله له دور , وعظمه جلال , وقصير , ورقبته مقبوله ,
وراسه نادر أن سلم من انصلالة العرنون ( يعني بعض البعارين له عرنون ولكن عرنونه ماهو بواقف يجيك منصّل ويسبب صغر في راس البعير , يعني لاناحرت له يعجبك جداً , ولاعرّض تشوف ملاحظة العرنون ) وهذا الكلام للفايده بشكل عام مايخص قعودك ,
قعودك شيييييييييييييخ ,


تقبل مروري

[مشعل الزيادي]

تسلم ع المرور والنصيحه

[مشبب بن حماد القحطاني]

فحل الله يبارك لك فيه

[خالد العضيله]

القعود فيه سر باكستاني
فيه تقدم سنام ولحيه ماهو طافح
فيه دنقه الباكستاني
والله يبارك لك فيه

[مشعل الزيادي]

لايوجد اي سر بكستاني من ناحية اسلالته هو من ابل مصقال الله يحفظك ليس فحول ابله بكستانيه وراجع معلوماتك لاهنت