البكرة وجعانه يالربع وانتم اهل فزعة

[نواف البرقاوي العتيبي]

السلام عليكم ورحمة الله


يالربع عندي بكرة ولاد شهر ستة هجري وعارضت القيض ثم عيت تزين تاخذ ثم ينتفخ بطنها ويجيها ذراق وتنهد لين تشين وخاطرها داغلب الوقت شين وعلى حالها من يومها صغيره ولين اليوم واحد من الربع يقول مدخولة


وهالحين لاتخلوني من رايكم وفزعتكم*******

[عبدالعزيز الماجد الخالدي]

عطها لتر زيت زيتون أصلي شراب وبعدة باسبوع عطها شراب الدود

[نواف البرقاوي العتيبي]

اللله يبيض وجهك ياعبدالعزيز


بس وش فايدته زيت الزيتون ووين القى الاصلي ؟؟؟؟



لاهنت وانا اخوك على كل حال

[عبدالله الاسعدي]

السلام عليكم ورحمة الله


يالربع عندي بكرة ولاد شهر ستة هجري وعارضت القيض ثم عيت تزين تاخذ ثم ينتفخ بطنها ويجيها ذراق وتنهد لين تشين وخاطرها داغلب الوقت شين وعلى حالها من يومها صغيره ولين اليوم واحد من الربع يقول مدخولة


وهالحين لاتخلوني من رايكم وفزعتكم*******
أخ / نواف
السفن اب (حجم عائلي ) وبيرة سادة
وكررها بعد 14يوم
وتبي تعافى بإذن الله
بارك الله في مالك وحلالك

[نواف البرقاوي العتيبي]

مرحبا ياعبدالله الله يبيض وجهك



السفن اب والبيرة مع بعض واحد منهن يكفي واذا مع بعض يخلطن ؟؟


ووش فايدتها في الاساس انا جيت البيطري يقول هذا سمال ؟؟؟