استفسار لاهل الخبرة

[اصيل العتيبي]

السلام عليكم ورحمة الله

مسيتم بالخير ياهل المشورة والراي

سؤالي --- هل سبق. احد انتج. حوار مزاين من ناقة عادية او ردية وبعير طيب

ارجو المشاركة من الجميع وخصوصا من الي سمع أو انتج
ولكم الشكر

[مشعل الشويش]

نعم ,
قبل سنين شريت وضحى بـ 3000 ريال عاديه جداً جداً ,
انتجت من بعيرً بيع بمليون وغير مشهور بكره مالها شكل ,
وانتجت من بعيرً عادي بكره تكمل عدد فالجمل ,
والناقه ماترغب منها شي لكن بطنها طيب , وهذا من ساسها , وبعض البل يقدرها البعير ويجي انتاجه مثله
وبعضهن العكس ,وبعضهن لو شكلها عادي يجيك انتاجها كفو
ومن خلال تجربه عندي عاديات انتجن اطيب من بعض الابل اللي اشكالها طيبه وغوالي ,

[سلطان الدلبحي]

انا خابر عند واحد من الربع ناقه مسميهااا مبروكه هههههه

ماشاء الله عليها الان فاطر مير والله ان اقل بكره انتجتها اخذها انا با 45

والناقه حرام بالله ماتخليها مع ابلكك شكلها يروع تصلح رحول وعطاء الله مافيه الردي

وعنده ابل كفووو واقيامهن على 100 و200 والله ما انتجن مثل انتاجها والان تسمع البدو يقول

مثل الناقه ذي معليك من شكلها بطنهااا ذهب يقصدون انها ناقة انتاااج ولكن مههوب كل ناقه عايديه تتنج هذا توفيق من رب العالمين

[اصيل العتيبي]

شرفني مرورك ومشاركتك الاخ مشعل البرقاوي والاخ سلطان الدلبيحي

هذا رد لبعض الاخوان الي يقولوا الناقة الردية ما تنتج ابد

[حاتم العماري]

سملت البل قبل 3 سنوات وطلب ابني ابقاء احد البكار اللي ماني مقتنع بشكلها والعام ولدت بكرها اطيب الحيران ومات وهالسنه تحتها اطيب الحيران ايضا ومن بعير مختلف!!
البطن له دور كبير غير الشكل
تقبل تحياتي

[سعود الشلوي]

اخوي اصيل الوراثة علم مستقل بحد ذاته

ومؤسس هذا العلم هو العالم مندل ..


وحينما نتحدث عن دور الفحل في التاثير على الانتاج

فالناقه ايضا لها دور وتؤثر في الانتاج ..

والناقه الرديه اذا كان ساسها ردي فمن الصعب جدا ان يكون انتاجها جيد

وبالامكان تعديل انتاجها لكن ليس بسهوله فقد تحتاج لعدة سنوات وتعاقب عدد من الاجيال

حتى يكون الانتاج طيبا ..


اما الامثله التي ضربوها الاخوة فاعتقد ان شكل الناقه يكون اقل من المستوى المطلوب

لكن سلالتها واصلها الطيب اثر بشكل ايجابي على انتاجها

خصوصا ان الفحل المنتج ساهم معها في ذلك

[اصيل العتيبي]

ماقصرتوا. جميعا على التوضيح والمشاركة ولاهنتوا وبيض الله وجيهكم