فزعتكم ياااخوان

[احمد الحربي]

سلام عليكم ورحمة الله وبركاتة

يالربع وش الحل ؟؟؟

الناقة ضعيفة واكلها ضعيف بالحييييييييل

ولاتاكل الا برسيم اخضر ...!!



http://a2.img.mobypicture.com/9218192941b82891c9d0cf04bcf161bd_full.jpg



كويتها عن الشويكة زي ماهو ظاهر بالصورة

وللمعلومية تخرج من الناقة ريحة كريهه اجلكم الله وعيونها تدمع

واعطيتها ابرة الهيام الفرنسية والهندية ولااااقصرت فيها

حتى ترمووووسين وحبوب الديدان اعطيتها


وش الحل ؟؟؟ تكفون اللي عندة العلم يعجل علينا

الله يجزاه الجنه

[احمد بن عايش]

خطا محل الكويه عطا رشاد اربع بيالات وحلبه اربع بيالات وحبه ثوم بعلبه البيبسي الكبيره وملاها ماء وغرها فيه لمده اسبوع وفاتح شهيه وفتش فم الناقه من الهدب

[حمد بن عيران القريني]

الاخ احمد
بعد التحيه
الناقة من الصورة طايحه وانصحك بأن تعطي الناقة اوفمك تحت الجلد وكذلك شراب الدود وشف فم الناقة

[حسن بن شافي]

خطا محل الكويه عطا رشاد اربع بيالات وحلبه اربع بيالات وحبه ثوم بعلبه البيبسي الكبيره وملاها ماء وغرها فيه لمده اسبوع وفاتح شهيه وفتش فم الناقه من الهدب


بيض الله وجهك يابوعايش

احمد عليك بالوصفه هذه وتأكد انك تغرها مظبوط وانشاء الله بتسلم

وعسى حلالك وحلال المسلمين البركه

[محمد الوهبي التميمي]

مساء الخير للجميع
مكان كية الشوكه نازل عن مخفق الكلوه
وإذا انت شاك أن فيها شوكه فلابد من علامات مرض الشوكه من الدمن أعزك الله ومبرك الناقه والخ .
رئيي أن خلطة احمد تنفع لأمراض الجهاز الهضمي بشكل عام
وياليت تذكر لنا أكلها في الشعير وش شكله وباقي الأعلاف الأخرى
ولي عوده سريعه للموضوع بمشئة الله
تقبل مروري

[احمد الحربي]

الله يجراكم خيييير


ابشرررركم الناقه تماثلت للشفاء. ...وصارت تقووووم من حالها من غير ونش وبكرة. ...بعد الله ثم زيت السمسم والبرسيم الاخضر


شكرا. ...الله يعطيكم العافيه