رايك اساسي

[نواف الجابري]

يهمني رايكم يا اخواني في الحوار

http://www.youtube.com/watch?v=u9lzWB8Ljmo&feature=youtu.be

[نواف الجابري]

شكرا اخي الروقي على المساعده والمعذره

[نواف الجابري]

وش رايكم في الحوار يستاهل المراح ولا الثلاجه

[حزام العاطفي]

اررحب يانواف
لابالله ماتصلح في المراح لاعدمتك
الله يرزقك بابرك منها

[ثامر فايز]

هلا باالاخ نواف البكره وانا اخوك عاديه من جايز الحيران ولا فيها ي يلفت النضر يعني بالعربي مافيها من الزين مثقال ذره ولا يرجاء منها تطور لزين لان المواري بينه
وان كان الشايب غالي عندك حطها في ثلاجته
هذي وجهت نضري
والاخوه الاعضاء عادهم بيفيدونك اكثر مني
بالعربي وبدون مجامله البكره محقاء

[محمد سعود العتيبي]

نصيحه لاتخليه في مراحك يوم في الثلاجه ابرك

هاذا يدمر البل مايعمر ولا فيه شيٍ من الزين

الله يرزقك بالفاخر

انا والله مدري هو قعود ولا بكره للكن في كلتا الحالتين في الثلاجه ابركه

[محمد ابو عدوة]

الاخوان كفو ووفو

[نواف الجابري]

ياهلا وغلا فيكم جميعا ويسعدني ويشرفني رايكم بدون تحفظ وووووووللللللللللللللللكن انا سأحتفظ بهذا الحوار قعود حتى ينتج عندي ياخواني هذا دليل على ان البعير ماهو بعلى شكله انما على الانتاج واقووولكم شي اخت القعود هذا اللقيه ماتعطيها اليمنى اليسرى مقنوي واقيامهن تاصل مية الف الى السبعين الف وانا والله عندي القعيد هذا غالي في نفسي وان شاء الله سبحانه وتعالى في مثل الوقت اي بعد عام اذا حنا وياكم من الحيين سوف انزل لكم المقطع هذا والمقطع الجديد الله يوفق الجميع

[سعيد حمد الدوسري]

الله يبارك لك فيه

القعود عادي

[ثامر فايز]

الله يقنعك بركته انت طلبت الراي والاعضاء ماقصرو

[مشعل الشويش]

ياهلا وغلا فيكم جميعا ويسعدني ويشرفني رايكم بدون تحفظ وووووووللللللللللللللللكن انا سأحتفظ بهذا الحوار قعود حتى ينتج عندي ياخواني هذا دليل على ان البعير ماهو بعلى شكله انما على الانتاج واقووولكم شي اخت القعود هذا اللقيه ماتعطيها اليمنى اليسرى مقنوي واقيامهن تاصل مية الف الى السبعين الف وانا والله عندي القعيد هذا غالي في نفسي وان شاء الله سبحانه وتعالى في مثل الوقت اي بعد عام اذا حنا وياكم من الحيين سوف انزل لكم المقطع هذا والمقطع الجديد الله يوفق الجميع



الله يرزقك منه مايسرك ان شاء الله
ودامه غالً عندك ليه عرضته للربع قاموا يحشّون فيه !!
اسأل الله أن يبارك لك فيه وفأماته ,
والولد والقعود مخلفين العهود , مع تحفظي على رايي ,
لإن القعود غالً عندك وافهم يافهيم ,

[حمود العتيبي]

مايصلح بتتعب عليه وتنتضره 4 سنين وتبهذل لاتفحل الا قعود يستاهل الصبر

[نواف الجابري]

شكر لكم واخذو راحتكم ولو لفيتو علي ذبحته لكم الله يحييكم

[نواف الجابري]

الله يقنعك بركته انت طلبت الراي والاعضاء ماقصرو

ان شاء الله اذا انت راعي ابل تجي تسجل سرا الياجا الهداد وياهلا

[حسن بن شافي]

الثلاجه وانا اخوك ابركلك

[محمد الوهبي التميمي]

الله يوفق الجميع
يقفل الموضوع