الراي لاهنتو

[عابد الحربي]

اعضاء المنتدى السلام عليكم ورحمة الله وبركاته

وكل عام ونتم بخير وصحة

الموضوع عرض علي فحل وراعيه معروف وهم اصله وساسه من خيار الذود

الفحل سنه سديس وانتاجه حيرني وحير راعيه وببسط المساله لكم اكثر فالهداد الاول طرح مثلا ثلاثين حوار اربع او ثلاث من خيار الابل والباقي ردي واردى من من الردي لدرجة الحوار ما يلحق شطور امه

نبي رايكم بالموضوع

تحياي للجميع

[مبارك السحيمي]

اي بعير مهب شرط ان كل انتاجه فاخر..الركاب تحذف وبطون الابل لها نسبه فوق 40% والله يكتب لك الخيره

[مشعل الشويش]

كآنه يطرح ندّر
مثلاً فالبرق يجي له 2 أو 3 اشتر ولاتشاور ,
بشرط ( ندّر ) , !
لأن البعير اللي انتاجه كذا , يحري بالنوادر ,
والله اعلم
وتأكد أن الحيران الندر له ,
والبعير المنتج مايجب رديـــه باذن الله
تلقى انتاجه فيه نوادر وفيه حشو من جايز الحشوان ,
أما كان الحوار مايلحق شطور امه فهذا تعويق ,,