المساعد الشخصي الرقمي

مشاهدة النسخة كاملة : عاجل ياهل الجمعات الطيبه

تركي الشراري
10 / 09 / 2012, 27 : 12 PM
السلام عليكم
كيف حالكم جميعا بدون تخصيص ان شاء الله انكم طيبين ياهل العلوم الغانمه
عندي بكره مفروده حالتها زينه تاكل وتشرب لاكن فيها ورم بالحنك تحت الاذن وتحت العين صايره زي الكوره من يمين ويسار كأنك نافخ راسها بهوا
هل احد يعرف هالمرض هذا ووش علاجه الله يسعدكم
ساجربن عدوان
10 / 09 / 2012, 29 : 12 PM
عطها مضاد حيوي مدة ثلاث ايام
فراج البقمي
10 / 09 / 2012, 12 : 01 PM
وعليكم السلام ورحمة الله وبركاته

أنا ما أنصح بإستخدام الادوية دون تحديد المرض

على كلامك ووصفك للمرض يبين إنه قرحه وتسمى عند البعض الباردة تاكد من مشارب البكرة اذا كان فيها عقر او نفوخ واذا طلع فيها شي ابعدها عن الطيب وريح الصابون لانه يشم ويلتهب ويمكن يذبحها واعزلها عن البل لانه معدي

العلاج بعض اهل الحلال ما يعالجونها يخلونها لين تروح من نفسها بس يبعدونها عن الشمم وتطيب باذن الله
اما بالنسبه لي استخدم البخاخ الازرق على التقرحات اللي في مشاربها

تأكد ورد لي خبر
بندر الرويلي
12 / 09 / 2012, 10 : 09 PM
عطها مضاد حيوي مدة ثلاث ايام

كلام سليم 100%
محمد الوهبي التميمي
12 / 09 / 2012, 45 : 09 PM
ارحب ياتركي
هذي تسمى البارده
وعلاجها مضادات حيويه بستشارت دكتور
على العموم المحاصير الزراعيه (الحصده) من اهم اسباب البارده وهي بقايا المبيدات في الحصاد
اتمنى اني افدتك بالقليل
وباقي الاخوه مايقصرون