ضلع في الحيران

[فراج البقمي]

السلام عليكم ورحمة الله وبركاته:

كيف حالكم يا الربع إن شاء الله طيبين؟

عندي مشكله في الحيران بدت في واحد وأنتشرت في الباقية

الضلع ولا هوب ضلع مدري وشهو

اذا جاء الحوار يمشي تقول يضلع في غاربه من فوق واذا جاء يعدي ما يقدر واذا غصبته على العدي ياخذ يمين ويسار ويرغي

مريت على كم دكتور بيطري وما يدرون وش السالفة اللي يقول شد عضلي واللي يقول ما ادري

اخذت لها ابر التهاب للعضلات والمفاصل من عند دكتور ولا فادت

بانتظار علومكم واقتراحاتكم

[عابد الحربي]

حياك الله اخوي فراج

ودي اعرف منك نوعية علف الحشو تاكل مركز وهل طقهن المرض سوى والا متفرقه؟؟

تحياتي للجميع

[فراج البقمي]

حياك الله اخوي فراج

ودي اعرف منك نوعية علف الحشو تاكل مركز وهل طقهن المرض سوى والا متفرقه؟؟

تحياتي للجميع

العلف طول الله عمرك خبز وبعده قطعت الخبز عنها وخليتها مدة تقريبا شهر على الحليب والذره
وبعدها عطيتها مكعب(نخال وشعير فقط مكعب المعجل)

والمرض ما جاها دفعة وحده الاوله اخذ معها شهر او شهر ونص وبعدها جاء الثانية واخذ فترة وجاء ثنتين بعد والحين المجموع اربع حيران نفس المشكله

وما اتوقع انه من العلف لاني غيرت العلف ومع ذلك باقي المرض ينتشر

[خالد الحجي]

بصراحة غريبه ياليت تصور مقطع فديو للحيران حتى توضح الحاله

[تميم الباس]

سبب الضلع التهاب في المفاصل بسبب الطفيليات سواء الداخلية او الخارجية

فتش الحيران من القراد او الجرب او القرع

عطهم ابرة ivomec الامريكية وعطها علاج التهاب المفاصل artrivet forte

و سلامتك

[حمود العتيبي]

اول شي شف يدين الحشو لايكون فيها تفدع لانه يجي بمفصل الزند تطرق والى اقواء منه يجي بالركب تجص صده اذا مشا الحاشي تقفه وشف يديه من الركنه ومن الخف تراه خطير ويتطور لين ماتمشي له طبعا علاج ابر نحاش وفيتامين عند البيطري

[فراج البقمي]

سبب الضلع التهاب في المفاصل بسبب الطفيليات سواء الداخلية او الخارجية

فتش الحيران من القراد او الجرب او القرع

عطهم ابرة ivomec الامريكية وعطها علاج التهاب المفاصل artrivet forte

و سلامتك

سليمه من الطفيليات ولله الحمد
وعلاج المفاصل جربته ولا فاد

[فراج البقمي]

اول شي شف يدين الحشو لايكون فيها تفدع لانه يجي بمفصل الزند تطرق والى اقواء منه يجي بالركب تجص صده اذا مشا الحاشي تقفه وشف يديه من الركنه ومن الخف تراه خطير ويتطور لين ماتمشي له طبعا علاج ابر نحاش وفيتامين عند البيطري


سليمه من الطرق واللين ولله الحمد
وسبق مر علي كم حاله وعلاجها معروف حبوب النحاس