بكره مفرودة الحال لك عليه

[حاتم بن حثلين]

السلام عليكم ورحمة الله وبركاته
العلم يالربع عندي بكرة مفرودة مقبله على لقيه بعد كم شهر - المهم البكرة أكلها زين والبل اللي معها حالهن زين واسمان بس هي حالها لك عليها اقل من الوسط وعينونها دوم يدمعن مرية البيطري وقالي عطها شراب الدود انتاج مصري 10% (60مل) في قارورة ماء صحة ابو نص وكمل الباقي ماء الكلام هذا اليوم بس قال لي بيطري ثاني جرب أول شيء إبرة الهيام الفرنسية قبل شراب الدود – الآن أنا في حيرة من أمري وش تنصحوني فيه من خلال تجاربكم .

[سيف الهاملي]

مساك الله بالخير هملان العيون بالدموع احتمال كبير يكون فيها زمبور وفيها ابره فرنسيه بارده انصح بها في هذا الحر وباذن الله انها اطيب

ولك مني جزيل اشكر

[مشبب بن حماد القحطاني]

عطها إبرة الهيام الفرنسيه ولك تحياتي

[تميم الباس]

عطها ابرة ivomec الامريكي العلبة بمية ريال بس شرط الامريكي لأنة يقتل اغلب الديدان

بالنسبة لشراب الديدان الاصلي الاجنبي مجرب لكن اليوم اللي بعدة ماتاكل وفية مخاطرة لكن ممتاز

عليك بالعلاج الغالي نصيحة

[سعيد سالم الخاطري]

مثل ما قالو الشباب دواء الدود وابره الهيام البارده
مفروده ولا حجه ؟

[ناصر عيسى المنصوري]

مساك الله بالخير هملان العيون بالدموع احتمال كبير يكون فيها زمبور وفيها ابره فرنسيه بارده انصح بها في هذا الحر وباذن الله انها اطيب

ولك مني جزيل اشكر

مع الاخ سيف
واحذر تجمع في نفس الاسبوع بين ابرة الهيام الزنبور مع ابرة الجرب لانه نتائجها مضره خل بينهن 10 ايام على الاقل
اعطها ابرة الهيام مع حبوب الدود الخضر الهندية وعدهها عقب اسبوعين نفس الشي مع الانتباه حبوب الدود على الريق تنعطى

[بندر الرويلي]

هلا ياحاتم مثل ماذكروا الاخوان عطها ابره جرب دكتوماكس وكررها بعد اسبوعين وتراها تغني عن حبوب الدود
والعيون لا دمعت فقط مو شرط هيام لكن ابره الهيام الفرنسية ممكن تعطى كوقايه ومامنها ضرر بأذن الله وافصل بينها وبين ابره الجرب بمده لا تقل عن اسبوع وراح تشوف مايسرك ان شاء الله

[حاتم بن حثلين]

بيض الله وجيهم وماقصرتم