الخلفه منقطعه جلد على عظم!!!

[حسن بن شافي]

السلام عليكم ورحمة الله وبركاته

مساء الخير على الجميع يالربع انا عندي خلفه بكر ماكان فيها الا العافيه وما ادري وش اللي جاها وصارت جلد على عظم
مع العلم ان اكلها زين جربت معها ابرة الجرب الفرنسيه وابرة هيام في اللحم وحبوب دود ولانفع لها على هالحال 3شهور تقريبا
وللعلم يوجد بعض الجروح على ووروك الناقه واذا قربت منها لها ريح ماهو بزين وتغير حليبها غدا مر

اللي عنده علاج لايبخل علينا والله يجزاكم خير

[حسن بن شافي]

ياهل الخبره وين العلاج جزاكم الله الجنه

[بندر الرويلي]

هلا يا حسن نسمعك ولا نسفهك هذا رابط لموضوع سابق يفيدك

http://www.mzayan.com/vb/showthread.php?t=48761 (http://www.mzayan.com/vb/showthread.php?t=48761)

[حسن بن شافي]

بيض الله وجهك يابندروجعل من جابك في الجنه

الحاله غيروأنا اخوك ناقتي تاكل اكل ماهو بصاحي لكن ما ادري وش اللي فيها بالضبط مع العلم اني ماخليت شي

اتمنى من الجميع المشاركه ولكم جزيل الشكر

[خالد الحجي]

ابعد الحاشي عنها وبتشوف مايسرك وعطها بنسيلين ثلاث ايام

[ذياب الشمري]

ابعد الحاشي عنها وبتشوف مايسرك وعطها بنسيلين ثلاث ايام
كلام سليم
الرضاعة تدق الناقة لو تأكل 24ساعة

[عابد الحربي]

حياك الله خوي بو شافي

مادام الناقة تاكل واكلها زين وطاقة الجرة بترد اشاء الله واحسن من اول واللي يقول الحوار يضر امه كلام مو صحيح وشلون الناقة ما ترضع حوارها؟؟؟؟؟؟؟؟؟؟؟؟؟؟؟

ابنصحك تدور واحد ولو بالدراهم يطق الناقة ابرة الجرب فورميك الامريكي الاصلي وترد عليها بنفس الجرعة بعد 13-15 يوم لان الابرة اذا اما اندقدت صح تصبح عديمة النفع وتلقى مكانها وارم

الله الله بالملح حطه لها مع المجروش وقدامك العافية

تقبل تحياتي

[حسن بن شافي]

الله لا يهينكم على الردود وجعل من جابك في الجنه

[ظافرعبدالله بن معتق]

نصحيتي لك ياطويل العمر تسوي لها تحليل في المختبر على الدم والكبد
وبيظهر كل شيء

[سعد الغزاي]

عليك بثوم فص واحد تفرمه في ماء صحه ابور يالين وتحقنه وتعيد بعد 4ايام لمده 3مرات
تبي تشوف الخيران شا الله ودعواتك

[حسن بن شافي]

نصحيتي لك ياطويل العمر تسوي لها تحليل في المختبر على الدم والكبد

وبيظهر كل شيء



لاهنت يابوعبدالله وبيض الله وجهك

[حسن بن شافي]

عليك بثوم فص واحد تفرمه في ماء صحه ابور يالين وتحقنه وتعيد بعد 4ايام لمده 3مرات
تبي تشوف الخيران شا الله ودعواتك


اخوي سعد الله يرحم والديك ويكثر من امثالك

[فراج البقمي]

السلام عليكم ورحمة الله وبركاته:

هذا حال العشاير دايم مر على اي حلال وشف حال العشاير وشف حال الحيل واللقحات بتشوف الفرق

لازم تخصص للحوار وقت للرضاع انا ما ادري وش كبر حوارك لكن كانه اكبر من خمس شهور خصص له وفت تشمل الناقه وتفكهاعليه وحاول ما تعطيها برسيم عشان ما تنهشم كلها حليب وفي نفس الوقت ما ينضر ديدها اذا شملتها
واي استفسار انا في الخدمة والشباب بعد ما يقصرون

[حسن بن شافي]

بيض الله وجهك يالقرم

ولاخلا ولاعدم

[فهد بن عطاالله المطيري]

اخوي حسن

صبحك الله بالخير

البكر يسمها سهيل الين يكف نجومه

واذا الناقه اكلها طبيعي ولا تشوف في حوارها رجا والا طمعه حاول تبعد عنها

وعط الناقه محلول الدود الابيض بادي الامر

وحط لها مع الشعير كل ثلاث ايام بيالة حبه سوداء مع الشعير واخلطه معها

وعليك بالغسيل الناقه سامها الحر اللي تمكن منها

برد عليها كل يوم بالرش والغشيل وحاول يكون في الظهر

هالكلام اذا صارت ناقتك ما تشكي من اي عله غير الضعف

والله ينفعك باللي قلناه ولا يتكلك على احد من خلقه


ولك شكري وتقديري

[حسن بن شافي]

تسلم يافهد وعسى الله يرحم والديك يالنشمي

ولاهنتو جميع على النصيحه