كم سعر الكنق .؟؟

[مفلح المويزري]

السلام عليكم

كم سعر الكنق فحل عليان الطهيمي

وانا عندي مبلغ بشتري نياق مزاين وأبي الكنق يضربها الشيخ عليان يرضى ولا يعيي

[مشعل الزيادي]

سمعت خمسين مليوون والله اعلم

[فهد العضياني]

عسانا نشتري بيت يضف عيالنا

والا الكنق يقولون عليه اربعين مليون عسى الله يبارك لراعيه فيه

[فايز بن محمد]

هههههههههههههههه

اي والله يافهد

الله يرزقنا وياااك

[محمد بن ناشي]

الله يبارك للمسلمين في حلالهم والرزاق بيد العزيز الحكيم

[بدر الدغيلب]

الظاهر اني سمعت ان عليه سوم 40 مليون

والطهيمي يقول لو يجيبلي 90 مليون مابعته

الله يباركله في حلاله وماله

[محمد ابو عدوة]

اخوي مفلح مع عليك من قيمته لن قيمته توزن باًلذهب وان حصلك فانت انشاء الله من اللي راضين عليهم والدينهم

[مفلح المويزري]

جزاكم الله خيرا

[فوازمحارب]

شديت يمه عندي ناقتين بضرب الكنق ويصدون بي يمين ويسار مايبغيني اضرب الكنق شف المسكت شف البارز شف شف
اجل وشلون تشريه
تسعين مليون في جمل قويه
صحيح جمل نادر شكله وكفو ولا له شبيه الله يبارك فيه بس الشي اذا زاد عن حده ينقلب ضده

[مشعل الشويش]

الفحل المنتج ( ماله سعر محدد ) ,
والفحل المنتج ( كنـز , وراس مال , ومكسب , وخير , وبركه )
أما لا رجعنا للكنق ,
فاقول ( راعيه ماعرضه للبيـع ولا للسوّامـه , ولو يوزن بميزان ماباعـه )
والله لايلوم ابو فواز ويبارك له بحال ومال ,
..

[ثامر فايز]

ايه كلن يغني على ليلاه
يقول لو يجيب 90 مليون مابعته الله لايغير علينا بنعمته والله لوالكنق انه عندي مايجيب المليونين
مير الفلوس تعرف اهلها
الحمد لله على كل حال
الله يبارك لطهيمي في حلال الطهيمي

[سلطان البدر]

شديت يمه عندي ناقتين بضرب الكنق ويصدون بي يمين ويسار مايبغيني اضرب الكنق شف المسكت شف البارز شف شف
اجل وشلون تشريه
تسعين مليون في جمل قويه
صحيح جمل نادر شكله وكفو ولا له شبيه الله يبارك فيه بس الشي اذا زاد عن حده ينقلب ضده

مرحباً اخوي فواز محارب
للمعلوميه الطهيمي ما يرد احد يريد الضراب من الكنق او المسكت او البارز رجل يحب الخير للجميع ورايته بيضاء والله يباركله في حلاله وماله
والكنق فحل ابل تتجاوز 200 راس من غير السروات عليه واعتقد انك جيت بوقت ضيق وزحمه
والمسكت إنتاجه يباع على 5 ملايين و 3 ملايين والبارز بالمثل وكلهن إخوان الكنق ماقول الا الله يرزقك من واسع فضله من انتاج فحول نخبة النخبة

[ساجربن عدوان]

انا سمعت الطهيمي في برنامج على قناة الاماكن
يقول بهذا المعنى
خطبوه مني بي خمسه وثلاثين مليون ولاني بايعه يقصد الكنق
هذا الي سمعته بنفسي عبر البرنامج