ناقه فاطر ماتلقح

[نواف الجذلمي]

السلام عليكم يالربع وش حالكم
الله يسلمكم عندي ناقة شريتها لقحة وانتجت عندي بكره والبكرة الحين جذعة وامها مالقحت الى هذا اليوم بالعلم اني قصيت عنها الصيد واعطيتها ابرة ايسره وابرة نضافه لكن والله الى الحين وبعد اضرابها من الجمل الناقة اتكذب واذا مر من جنبها الجمل تشد ذنبها وتوزر الناقه حالة طيب وشحمانه
وشرايكم ياالربع وش تشيرون علي .

[أحمدالعشري]

الله يرزق هل وجه ودها الاحساء للمستشفى البيطري وارتاح وانت وحظك إمكانيات جيده وارتاح من هال متطابقه

[ثامر فايز]

مثل متفضل الاخ احمد ودها للبيطري اللي في الاحساء الناقه فيها عش دامها تشول

[محمد ال عسكر]

قطع لها وقبل ماتفك عليها سوا لرحمها تعقيم بوضع ملح عربي ولف بخرقه خفيفة وثبته بعصى طولها ذراع في رحمها لمدة كافية قبل ماتفك عليها

[محمد الوهبي التميمي]

امر الإدخال مهم مع التقطيع خصوصاً مع الحيل
مع وقت هياج الفحول شف اقرب مختص لتنظيف الرحم
وان شاء الله تعشر

[بندر الرويلي]

شفلك رجال خبير بالادخال يمكن الناقه فيها عشش