فزعتكم البكرة ماتاكل وحالها شين ابي الحل

[شجاع الدوسري]

البكرة حقه وعليها اسوام عاليه ومن شهر طلع دجرة تحت أذنها خلت الاذن مرتخيه اليسرا وراسها كبر ولا تأكل مره وحالها ضعيف ورافعه راسها وش الحل *******

[فهد البلوي]

اخوي مسا الخير افتح فم البكره وتأكد انه سليم كان فيه شوك او أعواد برسيم وتأكد من داخل الأذن وأعطها بنسلين والباقي علي الله لان كانت عندي بكره وقف اكلها ومشربها من الجهه اليمني زاد والوجه من الجهه اليمني انتفخ وطرح ناها ووجدنا عيدان برسيم كبار ناشبه وري سنونها . وشرب ناها كاست زيت وربك سلمها

[فهد بن ذياب الشلاحي]

هلا اخوي صارت لناقه عندي نفس اللي صار وعطيتها حبوب ديدان وابرة جرب وكريت عليها نفس الشي عقب اسبوعين ولان والحمد لله ولا اطيب ورد اذا نفع معك الله يحفظ حلالك والمسلمين

[عادل الروقي]

مرحبا أخوي شجاع
مشارب وسبال البكرة مرتخية ومتنفخه بزود عن أول ؟
الباردة !!

[ثامر فايز]

وانا اخوك من مواري مرض البارده كبرراس المطيه وتغور عيونها وتهدل مشاربها وتتجرح وانتشار الحبوب في جسم الناقه ان كان هذي المواري في بكرتك تراها البارده

[شجاع الدوسري]

مشكورين علا المرور هي اذا مشت الرقبة تروح يمين وشكلي بكويها تحت الاذن

[مسعود العماري]

لاتكويها عطها مضاد حيوي
وليت تحط صورة او فيديو للبكرة